Civaknas Şeyma Arslantaş bal kişand ser kuştin, tundî û îstîsmarên zayendî yên li ser jin û zarokan ên li Tirkiyeyê zêde dibin û got: “Ji ber kujer cezayê heq dikin li wan nayê birîn, bûyerên wiha zêdetir dibe. Darvekirin jî, hişmendiya teşegirtina hikûmeta AKP’ê ya derdikeve holê ye.”
Di meha Hezîranê de 39 jin hatin kuştin. Sekretera Giştî ya KCDP'ê Fîdan Ataselîm, diyar kir ku sedema vê yekê zimanê şidetê û polîtîkayên tên meşandin bixwe ye. her wiha Ataselîm got, bi vekirina meclîsê re tê xwestin ku xesandina kîmyewî û darvekirin bê qanûnîkirin û bi vê yekê re hêrsa civakê tê îstismarkirin.
Seroka Komîsyona Şopandina Mafên Zarokan û Jinan a CHP'ê Candan Yuceer destnîşan kir ku dewlet di warê mijara îstismarkirina zarokan de hewl dide civakê di nav nîqaşên darvekirin û xesandinê de bifetisîne. Yuceer got: "Eger îktîdar bibêje darvekirin, nexwe neyta wê nebaş e."
Sekretera Jinê ya Şaxa Egîtîm Senê ya Manisayê Ayşe Başaran, diyar kir ku mijarên der barê îstîsmar û darvekirinê de hatiye avakirin bi awayekî çêker e û wiha got: “Di dema îdam hebû de kesên tev li sûcê îstîsmarê bûbûn nehatin cezakirin.
Platforma Jinan a Axtamara li dijî îstîsmar û windabûna zarokan ên di demên dawî de daxuyanî da û got: “Cezayê mîna darvekirin û xesandinê ji bilî ser pirsgirêkê girtin tu tiştek din nîne û ev cezakirin kêrî tiştekî nayê.”
Tevgera Jinên Azad (TJA) bertek nîşanî windakirin û kuştina zarokan da û xwest bi lez saziyên zarokan ên bi KHK'ê hatin girtin bên vekirin.
Zohre Koseya 75 salî ku li Dîlokê dikana bi navê "Cihê Dayika Zohreyê" vekiriye û nanê sêlê, nanê malê û tiştên din difiroşe, diyar kir ku jin bi xebatê dikarin ji mêr xelas bibin û got: "Divê jin li malê rûnenên."
Platforma Em dê Cînayên Jinan Rawestînin, rapora meha hezîranê ya cînayetên jinan aşkere kir û diyar kir ku di vê mehê de 39 jin hatin kuştin û 22 jin jî rastî îstîsmara zayendî hatine.
Nûnera Platforma Jinê ya Aydinê Tahsîne Saran diyar kir ku ji xeynî HDP'ê partiyên din wekî "vîtrînê" nêzî jinan dibin û got: "HDP, hişt ku jin polîtîk bibin."
Serokomar Erdogan beriya hilbijartinê soza çêkirina "qehwexaneyên gel" dabû. Ciivaknas Doç. Dr. Asli Kayhan diyar kir ku "qehwexaneyên gel" polîtîkayeke osmaniyan e û got: "Polîtîkayên ku jinan ji qada giştî dûr dixîne, wisa xuya dike dê li van deran bên pêk anîn."
TJA, diyar kir ku di bingeha kuştina Eylûl Yaglikara û Leyla Aydemîr de hişmendiya desthilatdar a zilam heye û got: “Welatekê ku hemû zarok lê bijîn dê jin ava bikin."
Li navçeya Eyyubiyê ya Rihayê Zemzem Server, ji aliyê hevserê xwe Ali Riza Server ve hat kuştin.
Piştî Eylul Yaglikara û Leyla Aydemîr hatin revandin û hatin kuştin, Mor Dayanışma, bertek nîşanî vê yekê da û got: "Em fêrî talankirina xwezayê, kuştina zarokan û cînayetên jinan ên bi destê wê tê kirin nabin. Em asayî jî nakin. Em bang li her kesî dikin ku li Kadikoyê kom bibin û dengê xwe bilind bikin.
Tevgera Jinên Azad (TJA) li dijî gefa ku Wezîrê Karên Hundir Suleyman Soylu li Hevseroka Giştî ya HDP'ê Pervîn Buladan xwar, li avahiya HDP'ê ya Amedê daxuyanî da û helwesta Soylu şermezar kir. TJA da zanîn ku gefa li Pervîn Buldan hatiye xwarin li hemû jinan hatiye xwarin.
Jinên dersimî, diyar kirin ku ew di JIN TV'yê de ne weşangeriyeke ku bindestiya hevcinsên wan vedibêje, ew weşaneke ku serketina hevcinsên wan vedibêje dixwazin.