Çalakiya Hevseroka KCD'ê Leyla Guven a greva birçîbûnê ya bêdem û bêdorveger di roja 74'an de berdewam dike. Platforma Jinan a Dîcle Amed, li ber Girtîgeha Tîpa E ya Amedê çalakî pêk anîn. Koma jinan ku xwestin daxuyaniyê bidin ewil li firfirgan xistin û degn derxistin. Di çalakiyê de polîsan 15 jin binçavkirin.
Aktivîsta TJA'yê Gulcîhan Şîmşek ku di 12'ê Îlona 2012'an de li girtîgehê ket greva birçîbûnê got: "Di 12'ê Îlonê de Kemal Pîr û hevalên wî li Zindana Amedê li dijî bêhiqûqiyan li ber xwe dan; niha jî Hevseroka KCD'ê Leyla Guven ev berxwedan dewr girtiye."
KADAV’ê ji bo pêdiviyên hejmar û kincan ên girtîgehan dest bi kampanyeya "Walîz kir û lîsteya pêdiviyên kincên jinan, LGBTÎ û zarokan weşand.
Daîreya Cezayê 1'emîn a Dadgeha Bilind xwest ku cezayê girtîgeha mûebetê ya Nevîn Yildirim a li navçeya Yalvaçê ya Ispartayê li dijî zilamê ew tecawîz kir mafê xwe yê parastina rewa bikar anî û kuşt, bê erêkirin.
Pêşangeha bi navê "Ji bo Jin Bijîn" balê dikişîne ser cinayetên jinan. Di pêşangehê de 19 jinan bi 30 çîrokên cuda tecrûbe û ezmûnên xwe yên jinatiyê vegotin.
JIN TV, ji îro û pêve dest bi bultenên nûçeyan ên bi Kurdî, Erebî û Tirkî yên zindî dike.
Alîgira Serokatiya Federasyona Komeleyên Kangalê Hacer Elçîn, destnîşan kir ku tecrîd tenê ne pirsgirêka kurda ye û got: "Weke jineke elewî û tirk tecrîd pirsgirêka min e jî. Loma ji dil û can piştgiriyê didim çalakiya Leyla Guvenê."
Konferansa Jinan a HDK'ê ku tecrîdkirina Rêberê PKK'ê Abdullah Ocalan û çalakiya grevê ya li girtîgehan kir rojeva xwe, dest pê kir. Hevberdevka HDK'ê Gulistan Kiliç Koçyîgît axaftina vekirinê kir û wiha got: "Faşizm dixwaze hemû Tirkiye bifetisîne. Li ser navê mirovahî, aştî, demokrasî û edaletê tiştek nehiştiye. Tariya mutlaq li ser mirovan ferz dike. Di pêvajoyek wisa de Guven şemala azadî û aştiyê pêxist. Şemala Guven dê rêya jinan ronî bike.
Weqfa Jinan a Navneteweyî, Hevserokê KCD'ê û Parlementera HDP'ê ya Colemêrgê ya 65 rojin li dijî tecrîdê di çalakilya greva birçîbûnê ya bêdem û bêdorveger deye hêjayî "Xelata Rûmetê" dît.
Li Mûsilê di goreke komî de, cenazeyê 38 jinan hat dîtin.
Pispora Perwerdehiyê ya Sendîkaya Dev-Turîzmê Saniye Evren, anî ziman ku jin li hemberî krîzê bi mînakên afirîner têdikoşin û got: "Bi qasî me ji hevalên xwe bihîstiye, jin pir zû perwerdehiya tuwaletê dane zarokên xwe. Çimkî nikarin di ber pereyê potikên wan re derkevin. Ji bo mesref zêde çênebin mirov dê û bavên xwe digirin cem xwe."
Rojnamevanên jin bilêv kirin ku li Tirkiyeyê fealiyetên rojnamevaniyê wekî sûc tên hesibandin û gotin: "Li Tirkiyeyê rojnamevanî veguherandine tetikêşî, tekparêzî û bîadê. Ev rewş li dijî etîka rojnamevaniyê ye. Ji ber vê li Tirkiyeyê rê li ber rojnamevaniyê hatiye girtin."
Jinên herêma Egeyê diyar kirin ku Leyla Guven ji bo pêşeroja Tirkiyeyê bedena xwe daye ber birçîbûnê û xwest bi awayekî yekgirtî tev bigerin. Jinan, destnîşan kir ku dê tekoşîn rêveçûna pêvajoyê diyar bike.
Parêzer Eren Keskîn, diyar kir ku bi zanebûn sê siyasetmedarên jinên Kurd ê li Parîsê hedef girtin û got: “Sakîne Cansiz yek ji kesên herî bi bandor ên min di jiyana xwe nas kiribû. Bi axaftinê pirsgirêk çareser dikirin. Ji bo Fîdan Dogan jî tim tiştên xweşik tên bîra min.”
Siyasetmedarnên jinên Kurd ên li Sîlopî û Parîsê hatin kuştin, li Îzmîrê hatin bibîranîn. Parlementera HDP’ê Serpîl Kemalbay di biranînê de axivî û got: “Em îro şopdarên hêz û têkoşîna jinan a li du xwe hiştine ne.”