Derket holê ku Şehrîban Dînç ya hevjînê wê Esat Dînç ew bikuje, 3 meh beriya bê kuştin ji Buroya Alîkariya Edlî ya Serokatiya Baroya Wanê bi daxwaznameyekê alîkarî xwestiye. Dinç gotibû “Ji kerema xwe re berî jinek din bê kuştin, bêyî ku dereng bikeve alîkarî bidin min.”
Endama jûriyê ya Dîzî Bamyalarê Yasemîn Oz balê kişand ser rêzefîlmên li Tirkiyeyê tên weşandin û wiha got: "Di demeke wek serdema Rewşa Awarte de ku tiştên polîtîk nayên nîqaşkirin û sansur û tirs zêde dibe de, hem ji bo çêker pereyan qezenc bikin hem jî wek riya tevizandina civakê rêzefîlm tên bikaranîn."
Meryem Kara ya 60 salî ya li gundê Kizilkaya ya Toroslarê dijî, diyar kir ku li gundan roj ji bo jinan zû dest pê dike, karê malê, bax û zeviyan li ser milê jinan e.
Jina li kuçeyê rastî êrîşa zayendî hat, li qereqola polîsan jî rastî pirsan tacîzê hat. E.X. bertek nîşanî van pirsên polîsan dan: "Ew kes hevalê te ye, têkiliyeke we ya dilînî heye yan?"
Hevberdevka HDK'ê Gulîstan Koçyîgît, diyar kir ku divê di pêvajoya nû de enternasyonalîzma jinê bê avakirin û wê bi vê re di têkoşîna azadiyê ya jinê de gaveke girîng bê avêtin.
Hevparên TJA yên Amedê, bertek nîşanî êrîşa zayendî ya li Rezanê dan. Hevsaroka Bajêr a HDP’ê Fîlîz Buluttekîn jî, diyar kir ku ew polîtîkayên tundiya li ser jinan, tacîz, tecawîz û hemû awayên jenosîdê yên li ser civakê tên ferzkirin qebûl nakin û li dijî vê yekê dê têkoşîna xwe bilind bikin.
Siyasetmedarên jin ên girtî bi nameyên ku ji 8’emîn Konferansa Meclîsên Jinan a HDK’ê re şandin di konferansê de cihê xwe girtin. Siyasetmedaran di nameyan de xwest ku HDK binpêkirina mafê mirovan ên li girtîgehan têxe bernameya xwe.
Jinên HDK'î bi coşek mezin civîyan û hewaya Enqereyê ya sar germ kirin. Hevberdevka HDK'ê Gulîstan koçyîgît, diyar kir ku êrîşa li dijî jinan êrîşek global e û got: "Li dijî vê yekê dema pêşxistina têkoşîna enternasonalîzma jinê hatiye."
Ji aliyê Pirtûkxaneya Berhemên Jinan û Weqfa Navenda Agahiyan bi navê "Kadin Tarihini Yazmak" ajandaya sala 2018'an hat derxistin. Di vê ajandayê de weziyeta jinên ji çîn, etnîsîte, aîdiyetên cuda tê vegotin.
Ayşegul Yucetaş piştî hat îxrackirin, dikana kulîlkan vekir û debara xwe dike. Yucetaş da zanîn ku hikumetê bi hinceta dijberê "perwerdeya olî" ne ew ji mamostetiyê îxrackirine, lê belê ew ê tu carî serî netewînin.
Makbûle Uşer a nanê tendûrê çê dike û difiroşe, diyar kir ku piştî wan dest bi pêhtina nanê tenûrê kir, gelek jinên din jî dest pê kirin û wiha got: "Em bûn munasebata ku ev çand li her derê berbelav bibe."
Li Kolana Yusuf Îslam a Rezanê piştî du bûyerên îstîsmar kirina zayendî ya du zarokan, vê carê jî jina du canî ya 23 salî li ber çavên zarokên xwe rastî îstîsmara zayendî hat. Bûyera ku di kamereya ewlekariyê de hat qeydkirin, zilamê nasnameya wî ne diyar çek li jinê kişand û pihîn lêda.
Nesîbe Curga li navçeya Artemêtanê kel û pelên elektronîk çê dike û bi vê xebata xwe dilê jinan şa dike. Ji destên Curga pense û qablo nakeve û alavên elektronîkî tamîr dike. Beyî ku guh bide nêrînên şaşwaz, xebata xwe didomîne.
Li Riya Armûşê, 4 jin hatin gel hev û li baxçeyê mala xwe Mala Tendûrê vekirin. Jin li ber stranan nan dipihêtin.
TJA, bi wesîleya hefteya mafên mirovan rapora der barê jinên girtî û rewşa girtîgehan de bi raya giştî re parve kir. TJA, di raporê de diyar kir ku bi KHK û OHAL'ê civak xistine bin kontrolê û di 3 salên dawî de girtîgeh kirine kampên dîlgirtinê. TJA da zanîn u 9 hezar û 708 jin girtî ne.