Serokwekîla Koma HDP’ê Meral Daniş Beştaş, got ku ji ber AKP nikare welat bi rêve bibe biryara hilbijartinên zordest da. Parlamentera HDP’ê ya Agiriyê DÎlan Dirayet Taşdemîr jî, diyar kir ku bi taybetî 24’ê Hezîranê ji bo jinan dê bibe werçerxa dawî.
Jinên di “Konferansa Tundiya li ser Bingeha Zayendiya Civakî û Jinên di Rejîma Stargehê û Koçberiyê de ne" kom bûn, pirsgirêkê jinên penaber niqaş kirin. Dîrektora Têkiliyên Derve û Parastina Jinê ya bi Qidem Joan Timoney, got: “Divê em di perspektifa zayendî de li xebatên xwe binerin.
Aktîvîst Songul Ozînver, der barê pêşnûmeya qanûnî ya îstîsmara zayendî ya pêşkêşî meclîsê hat kirin de axivî û got: “Ev ne pirsgirêka tenduristiyê ye, awayê tundiyê ye. Îstîsmar awayekê tundiyê ye. Divê ev neyên piştguhkirin û li gorî vê yekê cezayên pêwîst bên dayîn.”
Hevseroka Giştî ya SES'ê Gonul Erden, diyar kir ku erka dewletê ewe ku istîsmarê rake û rê li pêş îstîsmarê bigire û wiha got: "Guhertina der barê Xesandina Kîmyewî de tekakesîkirina pirsgirêkê ye."
Jinên koçber, bi armanca ku ew û hevzayendê xwe yên ji Tirkiyeyê re ceribandin û ezmûnên xwe parve bikin, li atolyeya ku Komeleya Piştevaniyê ya Jinên Koçber a Navnetewî li dar xist hatin gel hev. Endama Avakar a Komeleyê Ayşe Çelîk, diyar kir ku bertekên erênî ji bo atolyeyê hene.
Amîne Olmez ku hema bêjê jiyana wê temamî di nav xwezayê de ye, 35 salin bêrîvaniyê dike. Olmez bal kişand ser qedexekirina zozanan û got: “Çawa ku her kulîlk li ser axa xwe zîl dide, em jî li van çiyayan hêşîn dibin.”
Li Alaçatiyê, Esra Sûbaşiya tevî fêkî û zebzeban, bi firotina riçala ku ji gelek giyayan debara xwe dike. Sûbaşi bal kişand ser rîçala şîr û îsota tûj û diyar kir ku tama rîçalê bi qasî qîmeta ku ji bo xwezayê tê dayîn diguhere.
Helbestvan Selda Kaya ku bi dizîka helbest dinivîsandin, helbestên xwe bi navê “Hirkamda Şiir Lekelerî” çap kirin. Kaya, diyar dike ku hînbûyîn çerxeke wisa ku tu carî naqede.
Mustafa Demîrcî yê hevjîna xwe Emîne Demîrcî kuşt û di doza lê dihat darizandin de beraat kir, piştî dadgeha bilind doz xerab kirin ji nû ve hat dîtin. Şandeya dadgehê daxwaza girtina Demîrcî red kir.
Fatma Kaya ligel temenê xwe yê mezin dest ji şivantiyê bernade. Kaya, diyar kir ku ew û xweza bûne yek. Kaya got ku rê û resma ji dayîka xwe fêr bûye, hewl dide nîşanî zarokên xwe bide.
Jinên sendîkayî yên têkoşîna kedê bi rêve dibin, diyar kirin ku dê di 1’ê Gulan de ji bo keda xwe, nasnameya xwe û bedena xwe li qadan bin.
Jinên Dersimî bi hatina biharê re dest bi komkirina gîha û pincarên li çiyayê Dersimê şîn dibe, kirin. Jinên Pulûrê ku diçin pincarê kom dikin diyar kirin ku ev pincar hem şîfa ye û hem ji debar e.
Federasyona Komeleyên Jinan a Tirkiye TKDF), li dijî pêşnûneya zagona îstîsmara zarokan û xesandina kimyewî ku têkeve TCK'ê nameyek vekirî ji parlamenteran re xşandin û ji parlamenteran xwestin ku çav û guhrê xwe vekin.
Aktîvîsta Querr Femînîst Burçîn Tetîk, bertek nîşanî îtîraza TDK’ê ya li dijî doza derbarê peyvên zayendperest ên mîna “Guncav, biboyax, li rê û berketî’ hat vekirin, da û got: “TDK dijminantiya jinê ava dike.” Zimanzan Necmiye Alpay jî, got ku agahiya TDK’ê ji vê serdemê tuneye.
Dadgeha Cezayê Giran a 1'emîn a Wanê, cezayê muebetê yê li Halît Çançînê ku hevjîna xwe Kader Ozdemîrê kuşt daxist 25 salan. Dadgehê ji bo vê yekê jî ev hincet berpêş kirin: "Mara wî ya fermî tune ye", "Sersaxiya ji bo malbatê" û "Poşmanî". Dê parêzera malbata Ozdemîr serî li Dadgeha Îstinafê bide.