Meclîsa Jinên Sûriyê, li Qamişlo der barê destdirêjiyên komên OSO yên di kontrola Tirkiye de li Efrînê pêk tîne, daxuyanî da. Meclîsê diyar kir ku piştî Tirkiye ket Efrînê li Efrînê 119 jin hatin revandin. Meclîsê da zanîn ku piştî bi zorê Efrîn vala kirin 6 hezar malbatên komên OSO li Efrînê bi cih kirin û ji rêxistinên navnetewî xwest ku destûr nedin demografiya Efrînê bê guhertin.
Meclîsa Jinan a HDP’ê ya Enqerê, derbarê ewlekariya hilbijartinê de dest bi kampanya “7 hezar jin, 7 hezar sindoq” kirin. Endama Komîsyona Hilbijartinê ya HDP’ê ya Enqerê Zeyno Bayramoglu, diyar kir ku di hilbijartinê de dê jin sindoqan biparêzin.
Aktivîsta YDK’ê Sevda Erkiliç destnîşan kir ku li hemberî îtifaqên mêrên serdest ew ê li cem HDP’ê ku îtifaqa jinan esas digire, cih bigirin.
Namzeta HDP’ê ya Îzmîrê Halîme Akdag 40 sal e cotkariyê ango karkeriya çandiniyê dike. Akdag ji rêxistinbûyîna gravê bigire heta têkoşîna jinê û ji namzetiya hevşaredariyê bigire heta namzetiya parlamenteriyê bi salan e xebatek çalak a siyasete dike. Akdag got ku armanca wê ew e dengê karker û jinan veguhezîne Meclîsê.
Endama Şaxa Komaleya Keda Jinê ya Kocaeliyê Fatma Baltûk, diyar kir ku di serdema AKP’ê de cinayetên jinan zêde bûn û got: “Dê jin di 24’ê Hezîranê de ji îktîdara AKP’ê re bêjin êdî bes e.”
Endama Piştevaniya Jinan a Çilpîne Tulay Korkutan, a berî hilbijartina 24’ê Hezîranê bi jinan re bên gel hev û behsa girîngiya hilbijartinê bikin, diyar kir ku ew dengê xwe nedin partî û îtîfaqên dixwazin bedena jinê kontrol bikin, behsnê şer didin û kuştinên zarokan pîroz dibînin.”
Endamên TJA’yê, bi coşek mezin buroya hilbijartinê ya jinan li navçeya Nisêbînê vekirin.
Namzetên HDP'ê bi nasname û rengên cuda û hêjmarek zêde ya jin balê dikişînin ser xwe. Namzetên jin ên HDP'ê, diyar kirin ku ji bo HDP'ê partiya jinê, partiya hevî û aştiyê dibînin di nava HDP’ê de cih digirin û dixwazin li parlamentoyê siyasetê bimeşînin.
Li Dersimê jinên ciwan ên ji bo hilbijartinê dixebitin, anîn ziman ku ew ji bo pêşerojeke azad dixebitin. Her wiha jinan bang li ciwanan kir ku dengê xwe bidin HDP'ê.
Wekîla Seroka Koma HDP'ê Meral Daniş Beştaş, bal kişand ser deklerasyona TJA'yê û destnîşan kir ku ew ê Meclîsa Jinan a Tirkiyeyê ku di deklerasyonê de cih digire wekî pergaleke siyasî pêş ve bixin.
Wezîra Polîtîkayên Malbat û Civakiyî Fatma Betul Sayan Kaya ku rêxistinên jinan bertek nîşanî wê didin dîsa ji AKP'ê bû namzet. Kaya, ji dêvla ku bi awayekî mayînde pirsgirêkên jinan çareser bike, di vê derbarê de xwe li nedîtinê datîne.
Platforma Jina ya Helkîsê, diyar kir ku ew ê li hemberî polîtîkayên cudaparêz ên li dijî jinan têbikoşin. Platformê ji bo hilbijartinê jî got: "Kesên bi cudaxwaziya zayendî û çînî nêzî jinan nabin, em alîgirên wan in."
HDP’ê bi hejmara namzetên parlamenterên jin, AKP û CHP cardin li pey xwe hişt. AKP’ê 126 namzetên jin, CHP’ê 137 namzetên jin û HDP’ê jî 230 namzetên jin nîşan dan.
Namzeta HDP’ê ya Amedê Remziye Tosun destnîşan kir ku ji bo ew bibe dengê malbatên Sûrê bûye namzet.
Meclîsa Jinan a HDP’a Êlihê li taxa Baglarê buroya hilbijartinê ya jinan vekir. Jinan ji bo namzetê HDP’ê yê serokomariyê Selahattîn Demîrtaş nepoxên daxwaziyê firandin.