Nûnerên rêxistinên jinan destnîşan kirin ku mafên ku jinan bi dest xistine û bi peymanên netewî û navnetewî hatine mîsogerkirin di talûkeyê de n, lê belê ew ê qet dev ji mafên xwe û têkoşîna xwe bernedin.
Mamoste Arzû Kuçuk, diyar kir ku sedema nedîtina keda li nav malê ji ber feraseta nêrza ye. Kuçuk, destnîşan kir ku keda li nav malê pirî caran bi çewisandineke hestiyarî pûç dibe û got: "Ez feraseta ku tu yê hem kar bikî hem jî li malê binerî qebûl nakim."
Aktivîsta TJA'yê Ayşe Gokkan diyar kir ku bi taybetî piştî hilbijartina 24'ê Hezîranê zimanê siyasetmedarên li derdora AKP'ê bi awayekî zêde bûye zimanekî zayendiyî û got: "Ji bo têkoşîna li hemberî polîtîkayên yekzilamî rêxistinbûyîn divê. Parastina me ya herî mezin rêxistinbûyîn e."
Jin eleqeyeke zêde nîşanî atolyeyên xweparstinê didin. Jinan destnîşan kir ku pêşî bi awayekî fikrî hay ji xwepasrtinê çêdibin û gotin: "Pêşî em mêrê ku şidetê dike teşhîr dikin. Eger ev ne bes be, em xweparstina xwe dikin."
Meclîsa Jinan a DÎK’ê, di salvegera Komkujiya Şengalê de daxuyanî da û got: “Em kesên li dijî komkujiya jin û gelên Êzidî bêdeng man û bûn hevkarên vê zilmê şermezar dikin.”
Berdevka Meclîsa Jinan a HDP’ê Dîlan Dîrayet Taşdemîr, diyar kir ku ew bi polîtîkayên pişavtinê re rû bi rûne û got: “Hişmendiya tehemûlê navê Kurd û Kurdistanê ne nake bi destên qeyûman hemû lewheyên Kurdî daxistin û qedexe kirin.”
Meclîsa Jinan a HDP’ê di plangeriya nû de têkoşîna hevpar mezin bike, eniya demokrasiyê ya jin ava bike û pergal dîplomasiya jinê jî xurt bike.
Aktîvîsta TJA Mekiye Ormanci, pergala Hikûmeta Serokkomariyê, qanûna OHAL’ê ya di Meclîsê hat qebûlkirin û peywirên ji bo walîtiyan hatin dayîn nirxand û got: “Dibin şert û mercên rewşa awarte de dê li herêmê OHAL’ê bidin jiyîn.”
Li Manîsayê jina bi navê A.K. ku 13 salên zewicandiye û 2 zarokên wê hene, ji ber tundiya hevsera xwe ya li dijî xwe çû qereqolê û hevserê xwe gilî kir. A.K. diyar kir ku li qereqolê polîsan jê xwestiye ku ji giliya xwe vegere.
Berdevka Meclîsa Jinan a HDP’ê Dîlan Dîrayet Taşdemîr, xeta polîtîk û têkoşînê ya jinên parlamenter di serdama nû de danin pêşiya xwe vegot û wiha axivî: “Di Meclîsê de, em çiqasî cih birin, emê ewqas jî li kolan, qad, malan û avahiyên partiyê de cih bigirin û emê têbikoşin.”
Komîsyona Zarokan a Baroya Rihayê, diyar kir ku ewê bibin mudaxilê lêpirsîna zaroka 14 salî A.B. a li Sîwereg rastî îstîsmara bira û xalê hatibû.
Endama Meclîsa Jinan a Stebolê Dîlara Gevrek, diyar kir ku ger Wezareta Jinan neyê avakirin, dê li dijî îstîmara zarok û qetilkirinên jinan çareserî neyê dîtin û got: “Di serdema nû de emê têkoşîna xwe berdewam bikin. Ger Wezareta Jinan tune be, em hene.”
Nûçegîhana Ajansa Nûçeyan a Hawarê (ANHA) Dîcle Ahmed, ku bi dehan êrîş û operasyonên şer şopand û dîmen û wêneyên wan kişand, şoreşa li Kobanê dest pê kir û li Rojava belav bû vegot. Dîcle Ahmed, wiha got: "Min ji nîşaniyê xwe re got: Bila Kobanê azad bibe em piştre bi hevre biçin. Ger ku em ji welatnê xwe hez dikin, em azad bikin û piştre biçin. Lê bersîva neyînî da banga min. Li ser vê yekê min dest wi berda. Kobanê di wî halî de ez nikaribûm Kobane terk bikim û biçim."
Aktîvîsta VAKAD’ê ya bi KHK’ê hat girtin Songul Ozînver diyar kir ku bi girtina sazî û dezgehên jinan û zarokan re bûyerên îstîsmarê zêde bûne û nebûna rêxistinên civaka sivîl ên piştevaniyê bidin, bêtir mexduriyetî diqewime.
Dayîka ji malbata Kureyşan Raîme Kizilkan, diyar kir ku di baweriya Elewiyan de wekheviya jin û zilam esas tê girtin û got: “Pergal dixwaze di Elewîtiyê de hişmendiya sedest ava bike. Ez ji jinên Elewî dixwazim ku rola ji bo wan hatiye dayîn, qebûl nekin.”