Bi hezaran jinên ji tunela Taksimê meşiyan Qada Galatasarayê û rastî êrîşa polîsan a bombeyên xazê hatin, barîkatên polîsan nas nekirin û kolan bi rengê xemrî neqişandin.
Bi minasebeta 25'ê Mijdarê Roja Têkoşîna Navneteweyî ya Li Dijî Tundiya Li Dijî Jinê li Tunela Qada Taksimê kom bibin û xwestin heta Qada Galatasarayê bimeşin. Jinên ku dest bi meşê kirin rastî êrîşa polîsan a biava şit û bombeyên gazê hatin. Parlamentera HDP'ê Gulistan Kiliç Koçyîgît ji aliyê polîsan ve hat derbkirin.
Hevseroka Giştî ya HDP'e ya Pervîn Buldan, bal kişand ser Erdogan ku li Amedê Qeyûm disa namzetê şaredariyê nişan da û wiha got: “Ew dê winda bikin. Li Kurdistanê em de dîsa şaredariyan bi dest bixin. Em dê li Amedê jî, li Stenbolê jî û li Edene û Mêrsînê jî şaredariyan ji destê faşîzma AKP-MHP'ê bistînin. Buldan bal kişand ser tecrîdkirina Ocalan û destnîşan kir ku Ocalan ji bo gelê Kurd xeta sor e.
Endama Meclîsa HDP'ê Yuksel Mutlu, balm kişand ser çavkaniya tundiya ku mêr li dijî jinê pêk tîne û wiha got: “Yek ji sedema herî girîng, pêvajoya darazê mêrî ye. Mêr hem hêzê ji îktîdarê û hem jî ji darazê distînin."
Platforma Jinan a Şahmaran a Mêrdînê, bi minasebeta 25’ê Mijdarê Roja Têkoşîna Navneteweyî ya li Dijî Tundiya li dijî Jinan, li Parqa Karayollari daxûyunî da. Jinan astengî û qedexeya Qeymeqamê Artûklû nas nekir û gotin: “Em ê li hember zextan û tundiyê serî netewînin. Em ê têkoşîna xwe mezin bikin."
Jinan li gelek navendan di çarçoveya 25'ê Mijdarê de bername pêk anîn û daxuyanî dan. Jinên li hev kom bûn, çalakiya greva birçîbûnê ya Hevseroka KCD'ê Leyla Guven silav kirin û diyar kirin ku ew li çalakiya Guven xwedî derdikevin.
Jinên Bakur û Rojhilatên Sûriyeyî yên ji êrîşên DAIŞ'ê rizgar bûn, diyar kirin ku yekem car 25'ê Mijdarê Roja Têkoşîna Navneteweyî ya li Diji Tundiya li Dijî Jinan pîroz bikin û wiha got: "Berê em tune bûn. Navê me jî tune bû. Tirs û xof hebû. Yekem car em bi hêz û azad in. Divê her kes tev li têkoşînê bibin."
Jin hewl didin îsal bi dirûşmeya "Ji bo şideta zilam tu hincet tune ne. Em ê bêdeng nebin û dev ji mafên xwe bernedin" Tunela Taksîmê bi rengê mor boyax bikin. Jinan bang kirin û gotin: "Werin em bi hev re biguherînin."
Jinan ji bo 25'ê Mijdarê bang kirin û gotin: "Divê em her roj bi ruhê 25'ê Mijdarê tev bigerin û esas bigirin."
Jin bi armanca 25'ê Mijdarê Roja Têkoşîna Navneteweyî ya li Dijî Tundiya Dijberi Jinê li gelek navendan kom bûn û gotin: "Em ê ji bo hemû mafê xwe yê hatiye desteserkirin bê westan û rawestan dê têbikoşin."
Şaxa ÎHD'ê ya Amedê bi minasebeta 25'ê Mijdarê rapora tundiya li dijî jinê aşkere kir û diyar kir ku di 6 salan de li herêmê 374 jin hatin kuştin. ÎHD'ê di raporê de da zanîn ku hiqûqa heyî ya Tirkiye nikare mafê jinan biparêze.
Girtiyên jin ên li Girtîgeha Kandirayê piştgirî dan berxwedana Leyla Guven û gotin: "Divê tecrîdkirina Birêz Ocalan demildest bi dawî bibe"
Parêzer Sena Yazibagli Gul bal kişand ser kêmasî û çewtiya qanûnên heyî yên der barê şideta li hemberî jinê û got: "Divê hikûmet ji bo jinan hem di warê civakî hem jî di warê aborî de hin sererastkirinan çêbike."
Hevşaredara Îdirê Şaziye Onder a qeyûm tayînî şûna wê hat kirin, anî ziman ku jin ji bo jiyanê veguherînin têdikoşin, lê belê tim bi astengiyan re rû bi rû dimînin. Onder got: "Ji bo em di civakê de, li mal û di siyasetê de bibin xwedîgotin têdikoşin. Em dixwazin gotina xwe bibêjin û li gorî ruhê jinê bijîn."
Jinên li Mêrsînê bi dirûşmeya "Li hember şideta zilam em ê bêdeng nebin, em dev ji mafên xwe bernadin" ji bo 25'ê Mijdarê bang li hemû jinan kirin ku dakevin qadan û bibin yek.