Hevserokê Şaxa ÎHD’a Dêrsimê Ozgur Ateş binpêkirinên di nava 6 mehan de li bajar hatine kirin vegot û anî ziman ku ev binpêkirin gefê li mafên xweîfadekirin, xwebirêxistinkirin, azadiya geriyanê û mafê jiyanê dixwin.
Rojnameger Rahîme Karvar bi şertê qedexeya derketina derveyî welat hatibû berdan. Bi hinceta ku Rahîme Karvar tev li danişînê nebûye, biryara xistina kelemçeya elektronîk hate dayin.
Abdulkerîm Varişli ku yek ji girtiyên nexweş bû û tehliyeya wî ji bo 6 mehan hatibû taloqkirin, piştî temamkirina înfaza xwe hate berdan.
Meclisa Dayikên Aştiyê ragihandin ku ji bo hevdîtina bi Rêberê Gelê Kurd Abdullah Ocalan re dê serî li Wezareta Dadê bidin.
Endamê 5’emîn ê Komîsyona Hevgirtina Neteweyî, Xwişk-Biratî û Demokrasiyê yê DEM Partiyê bû Wekîlê Stenbolê Celal Firat.
Berdevka DEM Partiyê Ayşegul Dogan bal kişand ser komîsyona li meclisê hatiye avakirin û pêvajoyê û got: “Hewceye em pêvajoyê weke pêvajoya guherîn û veguherînê ya her du aliyan bibînin. Em di qonaxeke krîtîk de ne û hewcehî bi têkoşînê heye.”
Gardiyanên li Girtîgeha Tîpa S a Kirşehîrê ji ber piştgiriya dide pêvajoyê heqaret li Serokê Giştî yê MHP’ê Devlet Bahçelî kirin û sergardiyan jî gef li girtiyan xwar.
Kovara Demokratîk Modernîteyê ku her 3 mehan carekê tê weşandin, vê mehê bi manşeta “Aştî û Civaka Demokratîk” derket.
Siyasetmedar û nivîskar Abdulbakî Erdogmuş diyar kir ku di çareseriya pirsgirêka Kurd de muxatab Abdullah Ocalan e û got: “Mimkin nîne komîsyon bi paşguhkirina Ocalan mutebeqetekê bi dest bixe. Divê şande biçe Îmraliyê.”
Serokê Giştî yê EHP’ê Hakan Ozturk diyar kir ku îktîdar di mijarên girtiyan, Abdullah Ocalan û qeyûman de xwe bêdeng dike û got: “Ma dê heta kengî bireve? Şertên heyî dê bikin ku ji mecbûrî gavan biavêjin.”
Îffet Mûtaş ku di dema şer de bav, du bira, birazî, kur û keça xwe winda kiriye, got: "Wekî kesekî ku êşa du xwişk û bira, du zarok, dayik, bav û biraziyê xwe Mazlum Tekdag dîtiye, em aştiyê dixwazin."
Serdar Akay diyar kir ku bavê wî Latîf Akay ê 65 salî ku li Girtîgeha Tîpa T a Qubînê dimîne nikare bimeşe û li ber mirinê ye û xwest ku ji bo bavê wî bê dermankirin divê bê berdan.
Rêveberê TUAY-DER a Çukurovayê Lokman Şaman diyar kir ku binpêkirinên li girtîgehan, bi taybetî yên der barê mafê tenduristiyê de berdewam dikin û got ku divê girtî wekî kirdeya pêvajoyê werin dîtin.
Mihrîcan, mitîng û meşên ku Platforma Saziyên Demokratîk li Cizîr, Tetwan û Dêpê di çarçoveya Civînên Civaka Demokratîk de dabûn destpêkirin, wê li 13 bajarên din berdewam bikin.
Alî Riza Arslan ku kurê wî di dema qedexeya derketina derve de jiyana xwe ji dest da û piştî 7 salan hestiyên wî hatin radestkirin, got: "Ew kesên ku mîna min êşê dikişînin û mexdûr in, aştiyê dixwazin."