Girtiyên li Girtîgeha Hejmar 1 a Dumluyê ku di 8’ê Îlonê de li dijî zextan çalakiya greva birçîbûnê li dar xistibûn, anîn ziman ku bi gotinên “Hûn dibêjin qey hûn ê aştiyê bibînin? Hûn ê bimirin û biçin” gef li wan hatiye xwarin. Girtî Serhat Karasu, dema zext û gefxwarin bi malbata xwe re parve dikir, telefon li ser hate qutkirin.
Feminîst û profesora felsefeya zanistê Helen Longino, ji DEM Partiyê re name şand û got: “Bi rastî jî banga Abdullah Ocalan ku têkoşîna çekdarî dide aliyekî û ji bo Kurdan û her kesên li Tirkiyeyê dijîn daxwaza bidestxistina hemû mafan a bi rêyên aştiyane, bandor li min kir.”
Hêzên Ewlekariya Hundirîn ên Bakur û Rojhilatê Sûriyeyê, li Kampa Holê li dijî hucreyên DAIŞ’ê operasyona “ewlehiyê” dan destpêkirin.
- Nûnerên Rêveberiya Xweser a Bakur û Rojhilatê Sûriyeyê û rayedarên Hikûmeta Demkî ya Sûriyeyê li Helebê civiyan. Di civînê de li ser cîbicîkirina peymana di 1’ê Nîsanê de hatibû îmzekirin û avakirina komîteyan li hev kirin.
Endama Konseya Serokatiya Giştî ya KCK’ê Sozdar Avestayê diyar kir ku peyamên ji Îmraliyê tên ji bo pêşeroja pêvajoyê krîtîk in û got: “Aştî, civaka demokratîk û entegrasyon tenê heke Rêber Apo yekser tê de rol bilîze dikarin pêş bikevin. Em ê nehêlin naveroka pêvajoyê vala bikin.”
Li Daristana Bajar a Karadagê ya li Semsûrê bi hinceta çêkirina rêyê qirkirina daran tê kirin.
Di çarçoveya kampanyaya "Ez dixwazim hevdîtinê bi Abdullah Ocalan re bikim" de ku ket meha sêyan, bi çalakiyên curbicur bi sedan kesayet û saziyên navneteweyî yên naskirî, doza azadiya fizîkî ya Abdullah Ocalan kirin.
Nivîskar Murat Mihçi diyar kir ku ger bi komkujiya 6-7'ê Îlonê re hevrûbûn çênebe, dibe ku gelên ku wekî "yên din" tên dîtin rojekê bibin hedef û got ku Banga Aştî û Civaka Demokratîk a Abdullah Ocalan firsendeke baş e ji bo hevrûbûna bi van êşan re.
Karkerên çandiniyê yên ku li Nîgdeyê bi êrişeke nijadperest re rû bi rû man, diyar kirin ku di êrişê de hatiye xwestin hemû kesên li wir bên kuştin û li dijî vê banga edaletê kirin.
MKG û DFG'ê dê 6'ê Îlonê Roja Çapemeniya Azad bi çalakiyeke rengîn pêşwazî bike. Endama Lijneya Rêveberi a MKG'ê Arjîn Dîlek Oncel û Hevseroka DFG'ê Kesîra Onelê banga beşdariya li çalakiya ku dê hunermend Kasim Taşdogan derkeve ser dikê, kirin.
Endamê Konseya Rêvebir Mustafa Karasû, nêzîkatiya dewletê û desthilatê ya ji bo pêvajoyê rexne kir û got ku divê dewlet rast nêzî Rêberê Gelê Kurd Abdullah Ocalan bibe. Her wiha Karasû destnîşan kir ku divê Komisyona Meclisê bi berpirsiyarî tevbigere û got: "Divê Rêber Apo, li Meclisê biaxive."
Fermandarê Giştî yê Hêzên Sûriya Demokratîk (QSD) Mazlûm Ebdî û fermandarê CENTCOM'ê Brad Cooper civiyan.
Li Cizîrê 21 kesên ku 10 sal berê di dema qedexeya derketina derve ya 8 rojan de hatibûn qetilkirin, li ser gorên xwe hatin bibrîanîn.
Parlamenterê DEP'ê yê Mêrdînê Mehmet Sîncar û rêveberê partiyê yê Êlihê Metîn Ozdemîr li cihê lê hatin qetilkirin, hatin bibîranîn.