Rêxistinên civaka sivîl, rêxistinên rojnamegeran û partiyên siyasî bi girseyî çûn serdana çalakiya nobetê ya li dijî êrişên ser Bakur û Rojhilatê Sûriyeyê li ser sînorê Pirsûs-Kobanê hatiye destpêkirin.
Parlamenter Pervîn Buldan diyar kir ku piştî 10 salan bi Abdullah Ocalan re hevdîtin kiriye û wiha got: “Moralê wî xweş bû. MHP jî di nav de, xwest em bi serokên giştî yên partiyan re hevdîtinê bikin û nêzikatî û daxwazên xwe jê re ragihînin.”
Hevserokên Giştî yên DEM Partiyê Tuncer Bakirhan û Tulay Hatîmogûllari diyar kirin ku nirxandinên Abdullah Ocalan ên li ser esasê aştî û çareseriyê balê dikişînin ser berpirsyartiyeke dîrokî û gotin ku Meclis, girîngtirîn zemîna vê pêvajoyê ye.
DBP’ê têkildarî hevdîtina bi Abdullah Ocalan re daxuyanî da. DBP’ê, diyar kir ku perspektîfa çareseriyê ya Abdullah Ocalan dîrokî ye û wiha got: “Divê xwedî li îradeya çareseriyê ya birêz Abdullah Ocalan nîşan dide û her gavên ji bo çareseriyê tên pêşxistin were derketin.”
Hejmara kesên di qezaya balafirê ya Koreya Başûr de jiyana xwe ji dest dayin derket 174’an.
Di doza qetilkirina Narîn Guranê de bersûc Nevzat Bahtiyar ji sûcê “cînayetê” beraet kir. Parêzer Derya Yildirim û Aydin Ozdemîr diyar kirin ku biryara beraetê ya ji bo Bahtiyar biryareke xelete û wiha gotin: “Biryara derheqê bersûc Nevzat Bahtiyar de wijdana civakê rehet nekiriye.”
Kolberekî li ser sînorê bajarê Baneyê yê rojhilatê Kurdistanê ji ber sermayê jiyana xwe ji dest da.
Girtiyê nexweş Burhan Adsiz ku li Girtîgeha Tîpa F a bi Ewlekariya Bilind a Wanê dihat ragirtin û 3 roj berê rewşa wî giran bû, rakirin nexweşxaneyê.
Li Wan û Colemêrgê ev 2 roj in berf dibare û ji ber barîna berfê rêyên 214 gund û mezrayan hatin girtin.
Hunermendên Kurd bertek nîşanî êrişên ser Bakur û Rojhilatê Sûriyeyê dan û wiha got: “Rojava, stran û helbestên me ye. Wer in, em bi hev re ji bo Rojava bibin dengê azadiyê.”
Rêberê PKK’ê Abdullah Ocalan di hevdîtina duh de diyar kir ku jinûvexurtkirina biratiya Tirk-Kurdan ji bo diyarkirina qedera hemû gelên herêmê pir girîng e û wiha got: “Ez amade me ku gava erênî biavêjim û bangawaziya pêwîst bikim. Ji bo Tirkiye û herêmê dem dema aştî, demokrasî û biratiyê ye.”
Dayikên Aştiyê piştgirî dan çalakiya nobedê ya li ser sînorê Nisêbîn-Qamişlo û gotin, "Bêdengiya li hemberî êrîşan hevpariya sûc e. Divê kes li mala xwe bi rehetî rûnenê."
Welatiyên beşdarî kongreya DEM Partiyê ya Bazîdê bûn diyar kirin ku ew hevdîtina parlamenterên DEM Partiyê ya bi Abdullah Ocalan re girîng dibînin û gotin: “Êdî dema azadiya Abdullah Ocalan hatiye.”
Kesên di sala 2014’an de li dijî êrişa DAIŞ’ê ya li ser Kobanê li ser sînorê Pirsûsê bi rojan nobet girtin û piştî 10 salan dîsa hatin ser sînor, diyar kirin ku ew ê bi ruhê 2014’an li ber xwe bidin û wiha gotin: “Kobanê neket û dê nekeve.”
Hevseroka MED TUHAD-FED’ê Pinar Sakik Tekîn diyar kir ku dê kampanyaya “Ji Abdullah Ocalan re azadî, ji bo pirsgirêka Kurd çareseriya demokratîk” di sala nû de jî bidome û wiha got: “Divê her kes ji bo aştiyeke birûmet xwedî li vê kampanyayê derkeve.”