Serokê Baroya Rihayê Abdullah Oncel, diyar kir ku ji bo "Pêvajoya Aştî û Civaka Demokratîk" li bajêr dest bi xebatê kirine û got: "Ji vir û şûn de gavên ku dê bên avêtin diyar in; li ser bingeha welatibûneke wekhev guhertina destûra bingehîn e."
Hevserokê DAD'ê Zeynel Kete ku merasîma dîrokî temaşe kir, wateya tunekirina çekan wekî "Şewitandin tê wateya di gerdûneke nû de rêvekirina hebûnên nû" şîrove kir û bang li elewiyan kir ku bibin aliyê pêvajoyê.
Welatiyên beşdarî civînên li Aydinê bûn, destnîşankirin ku pêwîst e hemû derdorên civakê beşdarî pêvajoyê bibin. Guler Eratê anî ziman ku divê AKP, MHP û CHP jî pêvajoyê ji derdora xwe re vebêjin.
Rojnamevan Alî Bayramoglû diyar kir ku ji bo kesên ku çekan deynin garantiyên qanûnî pêwîst in û got: "Ger AKP û MHP zemîna demokratîk vekin, pêşketin pêkan e. Lihevhatina civakî jî daxilî vê ye."
Li Mêrdînê di avêtina ser malan de 4 kesên ku wêneyên Abdullah Ocalan û gerîlayan parve kirin jatin binçavkirin, piştî îfadeyê serbest hatin berdan.
Semra Akgul a ku di Girtîgeha Jinan a Amedê de tê ragirtin, dema ji bo tedawiyê çû nexweşxaneyê leşkeran bi gotina “Em îşev wê ji holê rakin” ve gef lê xwarin.
Civîna Serokê Meclisê Numan Kurtulmuş û ya Serokê Giştî yê MHP’ê Devlet Bahçelî dest pê kir.
Esmer Çikmaz ku gundê wê hat şewitandin, di dema qedexeyên derketina derve de 2 zarokên xwe winda kir û ji zarokek xwe jî tu agahî negirt û wiha got: "Tirk xwedî kîjan mafî ne, divê Kurd bibin xwedî heman mafî. Em zimanê xwe û nasnameya xwe dixwazin."
CHP'ê giliyê Serdozgerê Komarê yê Stenbolê Akin Gurlek û du dozgeran li HSK'ê kir.
Li Herêma Federe ya Kurdistanê 82 roj in mûçeyên xebatkarên saziyên cemawerî nayê dayîn. Xebatkaran rewş protesto kir.
Tehliyeya girtiyê 30 salan Sadik Hasan ê ku li Girtîgeha Hejmar 1 a bi Ewlekariya Bilind a Tekîrdagê tê ragirtin, cara duyemîn e tê astengkirin.
Berîvan Barîn a OHD’î diyar kir ku li Girtîgeha Tîpa F a Boluyê tehliyeya 35 girtiyan hatiye astengkirin û jê 34 kes girtiyên 30 salan zêdetir e girtî ne.
Nivîskar Yalçin Karadaş da zanîn ku banga Abdullah Ocalan a 9’ê Tîrmehê de hatibû kirin girîng e û wiha axivî: “Wek gelê Çerkez em dixwazin di komîsyona ku were avakirin de cih bigirin.”
Li Amedê nûnerên rêxistinên civakî yên ku beşdarî kampanyaya îmzeya ku ji aliyê bijîşkan ve ji bo piştigiriya pêvajoya "Aştî û Civaka Demokratîk" de hatibû destpêkirin bûn, destnîşan kirin ku "Em dixwazin di nava pêvajoyê de cih bigirin."