Tedawiya Mûhlîse Karaguzel a li girtîgehê aciz bû û li nexweşxaneya birinê emeliyata dil a vekirî derbas kir, didome. Keça wê Zîlan Karaguzel wiha got: “Em ê tevî raporên tenduristiyê yên dayika min ji bo înfaza wê bê sekinandin serlêdanê bikin.”
Jinên bi navê Dîlan Aslan û Fatma Aslan ên di berxwedana xwerêveberiyê ya Nisêbînê de hatin girtin, diyar kirin ku kampanyaya "Ji Abdullah Ocalan re azadî, ji pirsgirêka kurd re çareserî" xwedî girîngiyeke dîrokî ye û wiha bang kirin: "Em azadiya vîna xwe ya li Îmraliyê dîlgirtî pêk bînin."
Sevda Unal, ji ber ku li dijî zilamê ew tacîz kirî û gef lê xwaribû parastina cewherî kir, tê darizandin. Unal destnîşan kir ku tekane rêya têkoşîna li dijî pergala mêrsalar a ku parastina cewherî wek “sûc” nîşan dide, têkoşîn û rêxistinbûn e.
Cotkar Rengîn Onuk a ku gundê wan 30 sal beriya niha hat valakirin û 30 sal in qedexekiriye bi çandina ceh, nîsk, genim ruh dide gund. Onuk, dibêje: “Polîtîkayeke valakirina gundê me heye lê em bi çandina zeviyan ruh didin gundê xwe."
KESK’ê bernameya xwe ya 8’ê Adarê Roja Jinan a Cîhanê eşkere kir. Sekretera Jinan a KESK’ê Done Gevher got: “Ji bo em bibêjin ked, beden û nasnameya me ya me ye, em ê di 8’ê Adarê de li qadan bin.”
TJA’yê di çarçoveya 8’ê Adarê de ji jinên girtî re qert şand.
Ji jinên Filistînî Nîdal Halef el-Nawasra ku îsal 8'ê Adarê di şert û mercên şerî de pêşwazî dikin, got: "Jin, ji bo ku jiyanê ji tunebûnê biafirînin, hema bêje li hember êşên xwe meydanê dikin."
Ji parêzerên CÎSST'ê Ozge Akyuzê diyar kir ku girtîgeh ew navend in ku pergala baviksalarî lê kûrtir dibe û wiha got: "Pêwîst e ev qada ku nayê dîtin bê dîtin û bihîstin."
Parlamentera DEM Partiyê ya di daxuyaniya di çarçoveya 8’ê Adarê de li Çewlîgê hate lidarxistin de axivî, wiha got: “Her çiqas jin tune werin hesibandin jî, di serî de li Rojava em ê li her çar parçeyê Kurdistanê têkoşîna xwe bidomînin. Jin dê li dijî tundiya mêr-dewletê serî netewînin.”
Li navçeya Qoserê Selma Hattatoglû, di encama ji avahiyekê ket de bi awayekî biguman jiyana xwe ji dest da.
Fîlmê Muzîkal ê bi nave "Stranên Keziya Sor" ku dîroka têkoşîna jinan a cîhanê ya li dijî baviksalariyê vedibêje, dê di destpêka meha adarê de were pêşandan.
Cîgira Seroka Meclisa Jinan a Rêveberiya Xweseriya a Demokratîk a Bakur û Rojhilatê Sûriyeyê Rûken Melê diyar kir ku bi peymana civakî ya nû re jin di her qadê de bi kotaya ji sedî 50 di nava pergalê de cih digirin û got: "Jin tenê ne di warê temsliyetê de, di merhaleyên biryarê de jî xwedî gotin in."
Jinên nunerên saziyan destnîşan kirin ku ew ê îsal jî di 8’ê Adarê de li dijî tundiya mêr-dewletê li qadan bin û gotin: “Em îtaetê nakin. Em ê bi serhildanan xwe ve di 8’ê Adarê de li kolanan bin, em li benda hemû jinan in.”
Parlamentera Mêrdînê Berîtan Guneş a di daxuyaniya di çarçoveya 8’ê Adarê de hate kirin de axivî, wiha got: “Dengê jinên Kobanê dê bigihe Îranê, ji Îranê bigihe Stenbolê, Êlihê û ji wir bigihe Ewropayê. ‘Jin jiyan azadî’ dê li her derê cîhanê ji bo têkoşîna jinan bilind bibe.
Li Semsûrê jinan Pinar Bûlûnmaz a ji aliyê hevjînê xwe ve hate qetilkirin bibîranî û peyama “Em ne di şînê de ne di serhildanê de ne” dan.