Mîna Qazî ya di civaka Kurdistanê de wekî "Dayê Xanim" tê zanîn, di dema avabûna Komara Kurd a Mahabadê de pêşengiyeke girîng kiribû. Îro jinên Efrînê berxwedana Mîna Qazî dewam dikin.
Platforma Jinan a Dicle Amed, bernameya 8'ê Adarê ku di navbera 1-10'ê Adarê de pêk bînin bi raya giştî re parve kir. Jin dê di 8'ê adarê de li Amedê mîtîngê pêk bînin. Platforma Jinan a Enqereyê jî dê bi şîara “Em bi piştevaniyê bi hêz dibin, Jiyanê bi Rêxistin dikin" dê di 4'ê Adarê de pîrozbahiyê pêk bînin.
Li Hezexê, yek ji pêşengên çalakiyên 8’ê Adarê Dayîka Aştiyê Ayşe Hezer a 53 salî, diyar kir ku têkoşîna wê bi daxwaza aştiyê ya li dijî şer destpê kiriye û got: “Divê jin êdî serî hildin û nekevin bin bandor û vîna kesan.”
Îpek Arslan a di tendûrê de nanê herêmî û borekan dipêjîne û pê debara xwe dike, da zanîn ku li vê kargehê patron karker tune, ew wekî jin bi hev re hilberînê dikin û bi hev re qezenc dikin.
Ji parêzerên Şaxa ÎHD'ê ya Amedê Hatîce Demîr, diyar kir ku bi zagonên li dijî mafên mirovan îstîsmar nayê asteng kirin û wiha got: “Divê nerinên rêxistinên sivîl ên li ser îstîsmara zarokan lêkolîn dikin û xebatê dimeşînin nerîna wan jî bê girtin. Divê li gori mutabakatan zagon bên rastkirin."
Jinên Şirnexê diyar kirin ku ew ê di 8'ê Adarê Roja Jinên Kekdar ên Cîhanê de li qadan bin û ev tişt gotin: "Li dijî faşîzmê an azadî an azadî."
Şopên Hurrî, Hîtît, Roma, Bîzans û Osmaniyan ên li ser axa Efrînê xuya dibin, nîşan dide ku şaristaniyên dewletî her sendemê êrîşî vê axê kirine. Lê di milê civakîbûnê de bawerî, rituel, sembol, çîrok û teknîkên neolitik nîşan didin ku Efrînê tevî hemû êrîşan cewherê xwe parastiye û heta îro hatiye.
Meclisa Jinan a HDP’a Mêrsînê, daxuyanî da û diyar kir ku dê bi şîara “Wisan naçe, yan azadî yan azadî” di 8’ê Adarê de bi laçikên xwe li qadan bin.
Jinên CHP’î yên Dersimê îstîsmarkirina zarokan şermezar kirin û xwestin saziyên zemînê ji îstîsmarkirinê diafirînin bên girtin û cezayê îstîsmarkaran bên zêdekirin.
Endama Rêvebera Komeleya Têkoşîna bi Îstîsmara Zarokan re (UCİM) Prz. Burcu Duzen, diyar kir ku dosyayên îstîsmarê qadek pir taybet e û wiha got: "Divê li her bajarî dadgehên Îhtisasê bên avakirin. Dîsa divê di perwerdehiya dadger, dozger û parêzeran de edaleta dostaniya zarokan pêş bixin.
Dayika Funda Gulmez a Umît Şenturk ew kuşt Sevîm Gulmez ji bo keça xwe edalet xwest, aşkera kir ku medyaya hewzê mêrê kujer diparêze û ev tişt got: "Dadgeh li pey hincetên 'tahrîkê' ye û ji bo vê yekê delîlan ava dike."
Zeynep Altun a malata wê ji Dersimê sirgûnî Edeneyê bû, di zarokatiya xwe de karên giran kir û di gelek karan de xebitî. Altun ku 5 sal berê vegeriya warê xwe Dersimê kargeha modayê vekir û bi têkoşîna li dijî hişmendiya serdest, ji bo jinan bû mînak û moral.
Bajarê Efrînê ku navê wê li ser hemû qadên xweza, dîrok, jiyan û civakê xuya dibe, cewherê wê di wêneyê ruyê wê de ye. Yekane bajarê ku rû di cewher de û cewher di rûde xuya dibe ye. Efrîn, li gorî pergala salnameya 9 ziyaretên bi navê jinê tên nasîn a ji 90 gir, 7 gelî, 7 bajarok û her bajarokek jî 52 gund girêdayi wê pêk tê hatiye avakirin.
Koordînasyona Zîrveya Jinê ya Edalet û Wekheviyê danezana civîna “Zîrveya Jinê ya Edalet û Wekheviyê" aşkere kir. Di danezanê de diyar kirin ku pêwiste wezareta jinê bê avakirin. Dîsa xwestin ji bo jin li herêmê hêza rêxistina xwe mezin û xurt bikin, hêjmara meclîsên jinan zêde bibe û çalakiyên wan zêde bibin.
Tevgera Jinên Azad (TJA), girtina Aktîvîsta TJA Ayla Akat Ata şermezar kir û got: “Bi hinceta axaftineke di sala 2015’an de kirî, Ata girtin. Rewşa feraseta siyasî ketî navê, dijminantiya jin û demokrasiyê ye.”