Endamên Meclisa Jinan a HDP'ê ku li Aydinê rastî astengiya polisan hatin, astengî nasnekirin û di çarçoveya kampanya "Têkoşîna jinan li der derê ye" çalakiya xwe li dar xistin. Jinan biryara çalakiyê nîşan dan û gotin: "Têkoşîna me dê bitome."
Jinên xwestin tevlî meşa jinan a ji aliyê Meclîsa Jinan a HDP’ê ve li Aydinê hat lidarxistin bibin di ketin bajêr de hatin rawestandin û derketina ji avahiya partiyê hat astengkirin. Parlamenteran li ser vê yekê dest bi çalakiya rûniştinê kirin.
Meclîsa Jinan a HDP'ê li Dersîmê di çarçoveya kampanyayê de daxuyanî dan. Parlamentera HDP'ê û Berdevka Meclîsa Jinan Ayşe Acar Başaran diyar kir ku windabûna Gulistan Doku encama siyaseta ku li Tirkiye tê meşandin e û got: "Li Dersîmê bi mehan e jinek ciwan winda ye. Li Kurdistanê mirov winda nabin, mirov tên windakirin."
Endamên Meclîsa Jinan a Sosyalist (SKM) jî bi boneya jinên hatin girtin serbest berdin û operasyonên li dijî jinan bi dawi bikin daxuyanî dan. Jinan xwest hemû jinên girtî bên berdan.
Platforma Jinan a Li Dijî Efûya Îstîsmara Zayendî ya Zarokan, li 30 bajarên cuda daketin qadan û helwesta îqtîdara AKP'ê ya li dijî Peymana Îstanbul şermezar kirin. Nûnerên rêxistinên jinan xwestin bi awayekî bê kêmasî Peymana Îstanbulê têxin meriyetê û dawî li sûcê îstîsmarê bînin. Jinan xwest kesên sucê îstîsmarê kirine neyên efûkirin.
Jinên HDP'ê wê sibê fînala kampanyaya "Têkoşîna jinê li her derî ye" li Dersimê ji bo Gulîstan Dokûyê li dar bixin. Hevseroka HDP'a Bajêr Nûrşat Yeşîl, ji bo tevlîbûnê bang li jinan kir.
Aktîvîsta femînîst Bernîn Sonmez, bal kişand ser tundî û îşkenceya li dijî jinan û anî ziman ku polîs li qereqolê heta ji CÎMER'ê fermanê negirin nikarin tev bigerin û wiha got: "Bi betalkirina Peymana Îstanbul wekheviya jinê dikin armanc.
Platforma Jinan a Li Dijî Efoya Îstîsmara Zayendî ya Zarokan 103 a TCK’ê, wê roja Şemiyê li dijî afoya îstîsmarkarên zarokan û guhertina Peymana Stenbolê dakeve qadan. Jin wê di vê çarçoveyê de li ber deriye Meclîsê çalakiya xwe dewam bikin.
Xwişka Gulîstan Doku Aygul Doku, diyar kir ku Waliyê berê Tuncay Sonel ji wan re gotiye, “Bi gel û çapemeniyê re neaxive, bêdeng be” û got: “Dozgerê me pê re hevdîtin kir jî, ji me re got, li sedî 99 Gulîstan di bendavê deye. Lê ligel vê yekê jî xebatên lêgerînê hatin rawestandin.”
Jinên Wanê diyar kirin ku îşkence û girtina aktîvîsta TJA’yê Rojbîn Çetîn hatiye kirin li dijî her kesî pêk hatiye û ew ê li dijî îşkenceyê û girtinan rêxistinbûyîna xwe mezin bikin.
Şaredariya Panosê, ji bo jinên li navçeyê xwe rast e rast bigihînînê Xeta Mor ji xizmetê re vekir.
Dildara Sîwana Mor Ayşegul Ozadak kuştina Zeynep Topal nirxand û diyar kir ku dewlet û sitargeh ne jinan zilam û zîhniyeta wan diparêz in û eşkerekirina cihê sitargehê li gorî qanûnan sûc e.
Hevseroka Giştî ya SYKP’ê Canan Yuce, diyar kir ku dewlet, bi armanca têkoşîna jinan ji holê rake, li rêbazên îşkenceyê dide û got: “Em ê bi hevre têkoşîna xwe ya jinê ya li dijî êrîşan mezintir bikin.”
Dadgerê Cezayê Sulhê ya Nobedar, der barê Aktîvîsta TJA'yê û Endama Lijneya Rêveberiyên Herêmî ya HDP'ê Sevîl Rojbîn Çetîn ku polîsan 12 roj berê bi îşkenceyê ew binçav kiribûn, biryara girtinê da û şand girtîgehê.
Hevseroka Meclisa Rêveber a Rêveberiya Xweser a Herêma Efrînê Şîraz Hemo, bal kişand ser rola jina Kurd û êrîşên li dijî jinan û got: “Rêxistinkirina jinan ên li Bakurê û Rojhilatê Sûriyê, ji hemû jinên cîhanê re bûye minak û lêvegerek. Rola jinan di şoreşê de sereke ye. Ji ber ji rêxistinbûna jinan ditirsin, wan dikin hedef. Em bang li jinên li bakur Sûriyê dikin ku destekê bidin hev.”