Tecrîda li ser Rêberê PKK'ê Abdullah Ocalan wê di konferansa ku di çarçoveya Rûniştên Mafên Mirovan a 56’emîn a Konseya Mafên Mirovan a NY’ê de bên lidarxitsin, bê nirxandin.
Di encama êrişên Îsraîlê yên li dijî Filîstînê de hejmara miriyan nêzî 38 hezaran bû.
Li Îranê ji ber tu namzetan ji sedî 50 deng negirtin, hilbijartin ji tûra duyemîn re ma.
Namzetên serokkomariyê yên Îranê Alî Riza Zakanî û Emîr Huseyîn Kadizade xwe ji hilbijartinên ku dê sibê bên lidarxistin vekişandin.
Berdevka Meclisa Jinan a DEM Partiyê Şukran Efeturk destnîşan kir ku jin di bin tundiya zilam û dewletê de ne û di encama 3 rojan de 10 jin hatine qetilkirin û wiha got: “Em feraseta bi serdestiya mêr a dixwaze me bikişîne nava tarîtiyê û mejiyê ku vê yekê didomîne, red dikin.”
Li Pakistanê ji ber germê di nava 6 rojan de 568 kesan jiyana xwe ji dest dan.
Hewldana darbeya Bolîvyayê têk çû. Serokê Dewleta Bolîvyayê Arce wiha got: “Bijî demokrasî, biqehirin darbe.”
Li Swîsreyê di çaroveya kampanyaya şandina nameyan a ji CPT’yê re ku li dijî tecrîda Îmraliyê ji aliyê Tevgera Jinên Kurd a Ewropayê ve hatiye destpêkirin de bi giştî 5 hezar û 890 name hatin şandin.
Kurdistaniyên ku li Cenevreyê ji bo azadiya Rêberê PKK’ê Abdullah Ocalan meşiyan bang li saziyên navneteweyî kirin û gotin, “Qanûnên xwe bi cih bînin.”
Serokwezîrê Hollandayê Mark Rutte bû Sekreterê NATO’yê yê nû.
Ofîsa Koordînasyona Karên Însanî ya NY’ê ragihand ku ji 7’ê cotmehê heta niha li Xezeyê zêdetirî 200 xebatkarên alîkariya mirovî hatine kuştin.
Li paytexta Slovenyayê Ljubljanayê “Rojên Diyaloga bi Abdullah Ocalan re” hat lidarxistin. Di çalakiyê de li ser paradîgmaya Abdullah Ocalan nîqaş hatin kirin.
Hat ragihandin ku di êrîşên çekdarî yên li dijî sînagog, du dêr û nuqteyek polîsan ên li paytexta Mahaçkale û bajarê peravê Derbentê ya Dagistanê de herî kêm 19 mirine.
Tîmên rizgarkirinê yên Spanyayê ragihandin ku 19’ê Hezîranê roja çarşemê li Peravên Kanaryayê di keştiyekê de cenazeyê 5 koçberan hatiye dîtin û 68 kes jî hatine rizgarkirin.
Serokdewletê Rûsyayê Vladimir Putin ku li Koreya Bakur bi merasîmeke mezin hate pêşwazîkirin, diyar kir ku ji Kim Jong Un têkildarî şerê li dijî Ûkraynayê piştgirî wergirtiye. Herdu welatan peymana parastinê îmze kirin.