Di Fûara Pirtûkan a Îzmîrê de polîsan bi hinceta “qedexe û talûke ne” dest danîn ser pirtûkên “Kurdistan 1915-1920”, "Cangoriyê Kurdistanê Hîlmî Yildirim ê Mûşî” û “Hikûmeta Kurdistanê”.
Di çarçoveya Mîhrîcana Şanoyê ya Şanoya Bajêr a Amedê de lîstikên Bûka Lekî û Afet û Dîana hatin lîstin. Şano rastî eleqeyeke mezin hatin.
Di 9’emîn Mîhrîcana Şanoyê ya Amedê de gotûbêja bi sernavê “Şanoya Kurdî ya Başûr” hat lidarxistin. Niştiman Abdullah Karem bal kişand ser cihê jinan a di şanoya kurdî de û wiha got: “Jinên kurd kevneşopiyên heyî hilweşandin û di gelek qadan de bi dilwêrekî cih girtin.”
Lîstikvan Omer Şahîn ku di bernameya vekirinê ya 9’emîn Mîhrîcana Şanoyê ya Amedê de axivî, da zanîn ku li vê erdnîgariyê qirkirineke çandî heye û wiha got: “Lê li hember vê qirkirinê têkoşîna me, berxwedana me, dengê me, gotina me jî heye.”
Êzidiyên li Wêranşarê dijîn, cara ewil bi awayekî girseyî Cejna Çarşema Sor pîroz kirin.
Dadgeha Îdareyê ya Herêmî ya Dîlokê qedexekirina lîstika kurdî ya bi navê “Bêrû” li dijî “azadiya raman û îfadeyê” dît.
9’emîn Mîhrîcana Şanoyê ya Amedê ya bi pêşentgiya Şanoya Bajêr a Amedê tê lidarxistin, dê di 18’ê nîsanê de dest pê bike.
TEV-ÇAND Ewropa, Hozan Sefkan (Celal Ercan) ê di 16'ê nîsana 1985'an de li Heftanînê jiyana xwe ji dest dabû, bi bîr anî û got: Hozan Sefkan bingeha eniya çand û hunerê danî.”
Saziyên kurdan, wê li Stenbolê ji bo bîranîna zimanzan, rojnamevan-nivîskar û siyasetmedarê kurd Celadet Elî Bedirxan şeva rêzgirtinê li dar bixin. Ji mamosteyên Dibistana Muzîkê ya Egîdê Cimo Kemal Yildirim banga beşdariya li şeva bîranînê kir.
Çarşema Sor dê li gundê Birçê yê navçeya Wêranşarê bê pîrozkirin. Ji şêniyên gund Yaşar Bûrç, banga tevlîbûna pîrozbahiyê li hemû êzdiyan kir.
Pirtûka Repertuwara Stranên Kurdî bo Gîtarê ku akorên gîtarê û gotinên stranên kurdî yên di 13 salên dawî de hatine weşandin di nav de ne derket.
NÇM’ê bi tevlibûna gelek beşdarên ji Ewropa, Kurdistan û Tirkiyeyê atolyeya tembûrê li dar xist.
Kordînatorê Ma Musicê Şêrko Kanîwar ku ji bo kampanyayên pirtûk û tembûran bang kir, diyar kir ku kampanyayên wan berdewam dikin.
Weqfa Mezopotamyayê ji bo gihandina berhevkaran “Kursa Folklorê û Edebiyata Gelêrî” dide destpêkirin. Serlêdanên ji bo kursê dê heta 24’ê nîsanê bên qebûlkirin.
1’emîn Mîhrîcana Fîlman a Kurd a Dusseldorfê ku dê zêdetirî 30 fîlm û belgefîlm bên pêşandan, di 25’ê nîsanê de dest pê dike.