Rêxistinên tenduristiyê dê di 15'ê Adarê de li dijî tundiya di xizmeta tenduristiyê de mîtîngê li dar bixin. Rêxistinên tenduristiyê têkildarî mîtîngê li pêş Fakulteya Tipê ya Çapayê daxuyanî dan û diyar kirin ku ger tundî hebe xizmet tune ye.
Qeyûmê Şaredariya Bajarê Mezin a Amedê Hasan Basrî Guzeloglû, li 6 deverên bajêr 12 ronahiyên dekoratîf ên bi 324 hezar TL'yî bi milyon û 210 hezar TL'yî çê kiriye.
Odeya Bijîşkan a Amedê ji sala 1995’an vir ve “Xelata Aştî, Hogirî û Demokrasiyê” organîze dike. Xelata îsal dan hunermend Kadîr Înanir û Dayikên Aştiyê.
Hevserokê Giştî yê HDP'ê Sezaî Temellî, di kongreya DÎSK'ê de axivî û wiha got: "Dem dema hileşîna vê îqtîdarê ye. Hebûna xwe bi şer didomînin. Werin em bi hevre neolîberalîzmê bikujin. Li Tirkiyeyê 2 milyon zarokên karker hene. Bi zewaca zarokan zilmê ferz dikin."
Bahattîn Noyan ku 20 sal in bi qeyika xwe masiyan ji Çemê Dîcleyê digire, anî ziman ku ji ber zevtkirina masiyan a bi jenerator û dînamîtan hejmara masiyên li Dîcleyê kêm bûne.
Çalakiya karkerên jin ên ji ber ku endamên sendîkayê bûn ji Tekstîla SF Tardeyê ji kar hatin dexistin, di roja 110'an de ye. Karker Sevcan Sarioglan, diyar kir ku bi îdiayên bêbinî ji kar hatiye derxistin.
Malbata Yilmazoglu, ji bo debara xwe bike nan çê dike û difiroşe. Reşat Yilmazoglû anî ziman ku ji bo kar çûye ÎŞKÛR'ê, lê jê re gotine: "Apo hê ciwan li benda kar in. Em ji ku kar ji tere peyda bikin?"
Şaxa SAGLIK-SEN'ê ya Amedê, derengîxistin û nebirêkûpêkbûna mûçeyên xwe şermezar kirin.
ESP'ê ji bo ku zemkirina ceryan, av û heqê rê bê betalkirin kampanyaya îmzeyê da destpêkirin. ESP'a Edeneyê, ji bo kampanyayê gazî edeneyiyan kir û got: "Ji ber polîtîkayên şer ên îqtîdarê her diçe xwarina gel kêm dibe."
Şaxa SES’ê ya Amedê nedayîna mûçeyên nobetên xebatkaran protesto kir. Hevseroka Şaxa SES’ê ya Amedê Yildiz Ok Orak xwest ku bi lez û bez daxwazên kedkarên tenduristiyê werin qebûl kirin.
Par di meha Mijdarê de hatibû gotin ku dê tazmînatên karkerên madenê bê dayîn. Karkerê Kargeha Komirê ya Somayê Ercan Çetîn, diyar kir ku Kargeha Komirê ya Tirkiyeyê (TKÎ) tazmînata wan kêm daye û got, mafê me hatiye xespkirin.
Li gorî rapora ÎSÎG'ê, di meha Çileyê de 3 jê zarok, 7 jê penaber herî kêm 112 karkeran, dî cînayetên kar de jiyana xwe ji dest dane.
12 qeyûmên tayînî şûna endamên HDP'î yên Meclîsa Şaredariya Rezanê hatin kirin, derbasî AKP'ê bûn. Di civîna ewil de meaşê Cîgirê Şaredar Mûhammet Akar ji 185 TL'yî kirin 11 hezar TL.
Li Antakyayê, welatiyê bi navê A.Y., li ber walîtiyî piştî got “Ez birçîme. Bê karim. Li malê rewşa zarokên min xirabe. Zarokên min birçîne” xwest întîxar bike.
Ferhat Karakaş ku dema di fabrîkayê de dixebitî destê wî ket ber makîneyê anî ziman ku gava ji nexweşxaneyê sewqî nexweşxaneyeke din hatiye kirin ambulans nehatiye peydekirin. Rayedarên nexweşxane û fabrîkay jî ji bo van îdiayan gotin, tiştekî wisa tuneye.