Parlamenterê CHP’ê yê Îzmîrê Kanî Beko diyar kir ku heqê asgarî yê hat eşkerekirin 50 milyon karker û malbatên wan mehkûmî sefaletê kiriye û got: “Qesr di saetekî de heqê asgarî yê hat eşkerekirin xerc dike.”
Li Şirnexê du roj berê li kana komirê hezaz pêk hat û karkerê bi navê Hasan Înal di bin de jiyana xwe ji dest da. Bi vê bûyerê re di nava du salan de 14 karkerên kanên komirê yên li Şirnexê jiyana xwe ji dest dan.
Li Amedê 11 fabrîkayên tûxleyan hene û ji van 7 fabrîqe ji ber sedema krîza aborî hilberandina xwe sekinandin. Her nirxê fabrîqeyek hat girtin 15 milyon TL bû. Kîloyê makîneyên fabrîqeyan bi lîreyek firotin xûrdevanan.
Parlamenterê HDP'ê yê Edeneyê Kemal Pekoz, ji bo Wezîrê Çandinî û Daristanê Bekîr Pakdemîrlî bi nivîski bibersivîne pirsname da meclîsê. Pekoz, diyar kir ku heta niha çend rençber ji ber deynê xwe nedane hatine girtin û çend karkerên fabrîqeyan betal mane?
Li Tirkiyeyê ked û jiyana pirovan pir erzan e. Ji ber karker nebûn yek û xwe bi rêxistin nekirin ji hemû mafê xwe bêpar man û bûn qurbana kar. Di 11 mehan de 1606 karker bûn qurbana kar. Ji van karkeran 99 karkerên penaber û 67 karker jî zarok bûn. Ev jî nîşan dide ku hem mafê penaberan û hem jî mafê zarokan duqat tê binpêkirin.
Li Wanê, welatiyên ji ber krîza aborî nikarin amûr û alavên sifir bikirin, ji amûrên spî heta mobîlyayan, ji pêlaban heta kincan her tiştî ji kelepûrkiran dikirin.
Sendîkaya Karsazan a Îstasyona Îkmala Gaz, Petrol û Enerjiyê diyar kir ku benzîn û motorîn zem bû.
Karker Ercan Îlter ê ji Amedê koçî Antalyayê kiriye û li vir ji ber xizaniyê li kolanan xurde kom dike û debara xwe dike, hem ji kriza aborî hem jî ji çavên li ser xwe bêzar e.
Hevseroka Giştî ya KESK'ê Aysun Gezen, di mîtînga Amedê de axivî û rexneyên tûj li AKP'ê kirin. Gezen, îQtîdara AKP'ê wekî faşîst û paşverû pênase kir û got: “Li aliyekî yên ji ber xizaniyê nikarin nan bibin mal û întîhar dikin hene, li aliyê din yên 50 hezar lîra didin xwarinekê heye."
Nûnerên sendîkayan beriya civîna dawî ya Komîsyona Tespîtkirina Meaşê Kêm daxwaz û pêşniyarên xwe anîn ziman û gotin, bi têkoşîna rêxistinbûyî ya karkeran û hevkariya sendîkayan karibin daxwaza xwe pêk bînin.
Hevserokê KESK’ê Mehmet Bozgeyîk di Mêrsînê de axivî û got: “Krîza siyasî bi ya aborî re bûye yek. Sedema herî girîng a krîzê jî polîtîkaya şer û pevçûnan e.”
Platforma Ked û Demokrasiyê ya Amedê, banga tevlîbûna mîtînga ku dê roja yekşemê bi şîara "Ji bo jiyaneke mirovî û aştiya civakî em demokrasiyê ava bikin" bê lidarxistin kir.
Kedkarên li Mêrsîn û Edeneyê beriya mîtînga "Ji bo jiyanek bi mirovane" ya KESK di 21'ê Kanûnê de li Mêrsînê li dar bixin banga tevlêbûnê kir. Hevserokê Giştî yê KESK'ê Mehmet Bozgeyîk, bang li hemû karker û kedkaran kir û xwest li dijî xizanî, bê însanafa bacê û bê ewlehiya kar û kedê têbikoşin.
Kedkarên cemaweriyê ji bo mîtînga "Em dixwazin bia wayekî mirovane bijîn" gazî her kesî kirin.
Hîndekarê Zanîngeha Marmarayê Prof. Dr. Tanay Sidki Ûyar, ji bo pêdiviya bi enerjiyê ji dêvla bendavên ku zirarê didin xwezatê û mirovahiyê enerjiya bayê pêşniyar kir û got: "Rêveberiyên herêmî bi avakirina kooperatîfên enerjiyê dikarin pergaleke enerjiyê ava bikin".