Meclîsa Tenduristiya Karker û Ewlehiya Kar (ÎSÎG) li gorî daneyên eşkere kir di tebaxê de 208 karker mirin e û di 8 mehên salê de jî hezar û 306 karker di cînayetên kar de jiyana xwe ji dest dane.
Cotkarên ku birinca Qerejdaxê diçînin, bal kişandin ser zor û zehmetiyên bi wan re rû bi rû dimînin û gotin, heqê keda wan bi dest wan nakeve.
Kedkarên tenduristiyê yên endamên SES’ê ji bo hevpîşeyên xwe yên ji ber Kovîd-19 mirin li ber Nexweşxaneya Zanîngeha Hacettepe çalakiya bi lêdana çepikan li dar xistin.
Li Wanê welatiyên ku ji ber krîza aborî êdî nikarin debara xwe bikin, anîn ziman ku hikûmet ji bo ku krîzê neyne rojevê her tim rojevê diguherîne.
Şaxa SES’ê ya Enqereyê diyar kir ku piştî biryara “asayîbûnê” ya 1’ê Hezîranê ji ber zêdebûna pêketiyên koronay3e 500 heb kedkarên tenduristiyê ji karê xwe îstîfa kirine.
Li Êlihê karkerên ji Navenda Tempo Çagriyê hatin derxistin, diyar kirin ku li gor telîmatên rayedarên şîrketê tevgeriyane û gotin: "Ji bo mifha xwe, em şewitandin."
Rêxistinên ked û pîşeyî, bi boneya 1’ê Îlonê Roja Aştiya Cîhanê, banga tevlîbûna çalakiyên li dar bixin kirin û gotin: “Ji bo çareseriya demokratîk, pêdivî bi aştiyê heye.”
Qasidê Aştiyê Nûrettîn Turgut ê li ser bana Rêberê PKK'ê Abdullah Ocalan ji bo aştiyek mayinde di 19'ê Cotmeha 2009'an de di nava koma 34 kesên ji Qandîl û Mexmûrê de hat Tirkiyeyê û 7 salan hat hat girtin; bi minasebeta 1'ê Îlonê Roja Aştiya Cîhanê got: "Rewşa îro darbeya 12'ê Îlonê ya Kenan Evren derbas kiriye. Niha tenê rêya me ya çareseriyê aştiyek mayinde ye."
Civaknas Hakan Koçak, diyar kir ku ji 3 karkerên li kolanê yek jê betal e û wiha got: "Hikûmetê di pêvajoya şewbê de di bin navê krediyê de xistin bin deynan. Lê sendîka parastin.
Sewalvanên Wanê ku ji bo heywanên xwe ji bajarin din giya û kayê peyda dikin, destnîşan kirin ku piyase di destê qereborseciyan de ye û gotin, wê zivistana îsal zehmet derbas bibe.
Rojnamevan Bahadir Ozgur anî ziman ku ji zûv de ye îqtidara siyasî nikare der barê texrîbata ji ber krîza aborî û pandemiyê rû daye de polîtîkayek hilberîne û got. "Li paşperdeya propagandaya piroleyî ya di ser rezerva gaza xwezayî ya li Behra Reş de ev tişt heye."
Cotkar ji ber polîtîkayên çandinî û sewalvaniyê yên heyî bi zor û zehmetiyan re rû bi rû dimînin. Şehmûs Kûlan ku 40 sal in çandiniyê ike, anî ziman ku genimê ku çandiye hema bibêje fiyetê wî û kayê yek e û got: "Halê cotkaran ne tu hal e."
Welatiyên ku bandor ji krîza aborî û pandemiyê girtine gotin: "Kar û bar tuneye. Em perîşan bûne. Ma em ê çawa debara xwe bikin?"
Rêxistinên HDP, DBP, TJA û MEBYA-DER'ê daxuyanî dan û bernameya 1'ê Îlonê aşkere kirin.
Di şantiya firmaya rêya di navbera Pirsûs û Kaniya Xezalan çêdike de, di nava heftiyekê de 3 karkeran jiyana xwe ji dest dan.