Rojnameger Erdal Er diyar kir ku torena PKK dê li dar bixe ji bo pêvajoyê qonaxeke krîtîk e û got: “Pêşeroja pêvajoyê, girêdayî helwesta hikûmetê ye. Divê Enqere ji bo van gavan zemîneke hiqûqî û yasayî ava bike.”
Hamasê ragihand ku di çarçoveya muzakereyên ji bo sekinandina êrişên li dijî Şirîda Xezeyê hatine destpêkirin de qebûl kiriye 10 dîlgirtiyên Îsraîlê berde.
Di ser hewldana derbeya leşkerî de 9 sal bihurîn, lê hêj 2 hezar û 520 endamên KESK’ê venegeriyane ser karên xwe. Hevserokê Şaxa SES a Êlihê Cîhan Tuzun got: “Ger li Tirkiyeyê veguherîna bo civaka demokratîk çêbe divê di destpêkê de hevrûbûnek bi mexdûrên KHK’ê re çêbibe.”
Dîcle Aksu ku têkildarî Girtîgeha Tokatê rapor amade kir, anî ziman ku ji ber sepana lêgerîna nava dev girtî ev 8 meh in ji mafê xwe yê tenduristiyê bêpar hatine hiştin.
Şaredarê Şîleyê Ozgur Kabadayi di çarçoveya operasyona li dijî şaredariyê de hate binçavkirin.
Dayikên ku zarokên xwe di şer de winda kirine, diyar kirin ku banga bidîmen ya Abdullah Ocalan moral daye wan û gotin: "Em ji Rêberê xwe bawer dikin, em li pişt banga wî ne. Em amade ne ku çi ji destê me bê em ê bikin."
Serokê Baroya Mûşê Kadîr Karaçelîk diyar kir ku pêvajo bi saya bangên dîrokî yên Abdullah Ocalan gihîştiye asteke girîng û got ku divê meclis rola xwe ya girîng bilîze. Her wiha bang li hemû aliyên peywendîdar kir ku piştgirî bidin pêvajoyê da ku heba nebe.
Şêwirmendê Rojhilata Navîn ê Koma S&D ya Parlamentoya Ewropayê Francesco Cerasani diyar kir ku Abdullah Ocalan li dijî şer û xetereyên li Rojhilata Navînê rêya çareseriya demokratîk nîşan daye û got ku azadiya Abdullah Ocalan hem ji bo Rojhilata Navînê hem jî ji bo Ewropayê pir girîng e.
Dayikên Roboskiyê diyar kirin ku pêvajoya ku Abdullah Ocalan daye destpêkirin hêvî daye wan û yên di şer de herî zêde xemgîn dibin dayik in û gotin: "Bila dayikên leşkeran bi destên me bigirin. Ger em destên hev bigirin, dê êşa me kêm bibe."
Dayika Aştiyê Peyrûze Kurt ku du zarokên xwe di şer de winda kiriye, banga rawestandina şer kir û xwest komîsyon were avakirin û gav bên avêtin.
Hasan Aşa ku ji sedî 91 astengdar bû û li Girtîgeha Hejmar 1 a bi Ewlekariya Bilind a Sîncanê tê ragirtin, tehliye bû.
Hevserokatiya Konseya Rêveber a KCK’ê got: "Em bi biryar in ku gava Rêber Apo ji me dixwaze biavêjin. Em ê li gel û gelên xwe bifikirin û vê gava nû biavêjin. Lê belê divê bê zanîn ku pêvajo bi yek alî û tenê bi gavên me bi pêş ve naçe.”
Balyozê DYA'yê yê Enqereyê û N»»nerê Taybet ê Sûriyeyê Thomas Barrack îşaret bi pêvajoyê kir û got: "Ev gaveke mezin e û tişta em dibînin ew e ku hemû herêm guheriye. Dibe ku QSD, entegreyî Sûriyeyê bibe û tevlî artêşê bibe."
Di pevçûna di navbera hêzên paramîlîter n girêdayî Tirkiyeyê ya li Nexweşxaneya Girê Spî dekesek mir û 4 kes jî birîndar bûn.