Parlamentere Partiya DEVA’yê Mehmet Emîn Ekmen diyar kir ku ger ev pêvajo ji bo her kesî demokrasî, edalet û hiqûqê bîne dê baweriya civakê bi pêvajoyê xurt bike.
Hevberdevkê HDK’ê Alî Kenanoglu, diyar kir ku li hêrêma Behra Reş gund bi gund bi welatiyan re civiyane û got: “Em pêşniyar, fikar û rexneyan rapor dikin. Ev rapor dê ji rêzdar Ocalan re bên şandin.”
DEM Partiyê ragihand ku ew ê 1'ê Îlonê Roja Aştiyê ya Cîhanê li gelek bajaran bi girseyî pîroz bikin û bi ruhê Cejna Nevrozê bang li gel kir ku dakevin qadan.
Hevşaredara Şaredariya Erdîşê ya DEM Partiyê Guler Temel got ku ji dema ku şaredarî ketiye destê wan heya niha gelek projeyên li ser esasê jin û zarokan pêk anîne û tevî 600 milyon deynî jî, wan xizmeta giştî paşguh nekiriye.
Parêzer Mehmet Akif Akin diyar kir ku tecrîda li ser Abdullah Ocalan berdewam dike û got: "Tişta ku gel hêvî dike gavên berbiçavtir û rasteqîntir in. Biryarên komîsyonê divê li ser bingehên qanûnî bin."
Hevserokê TUAY-DER Çukurovayê Mahsum Geçer bal kişand ser rewşa girtiyên nexweş û bi bîr xist ku nêzîkî 350 girtiyên nexweşiya wan giran hene û got: "Azadiya girtiyên nexweş gava herî berbiçav a ber bi aştiyê ve ye."
Bi dirûşmeya "Ji bo aştiyê azadî, ji bo biratiyê wekhevî" ESP'ê dest bi xebata civakîkirina pêvajoyê ya ji bo çareseriya pirsgirêka kurd kir.
Hêzên Ewlekariya Hundirîn û Hêzên Sûriyeya Demokratîk (QSD)li bajarê Hesekê li dijî DAIŞ’ê operasyon dan destpêkirin.
Li hemû navçeyên Rihayê ji bo amedekariya mitînga 1’ê Îlonê xebat didomin.
Hevseroka Giştî ya KESK’ê Ayfer Koçak bertek nîşanî ferzkirina sîxuriyê ya di bin navê "semînerê" de li ser xwendekarên da û got: "Divê demildest dev ji polîtîkayên milîtarîst û şerxwaziyê bên berdan.”
Helîkopterek a girêdayî Rêveberiya Trafîkê ya Silêmaniyê kete xwarê. Di qezayê de 2 kes birîndar bûn.
Li navçeya Licê ya Amedê leşkeran heşîş şewitandin û li qada daristanê rê li ber şewatê vekirin.
Şina Berat Nazlican ê HPG’î ku berî 6 salan li Dêrsimê jiyana xwe ji dest dabû bi girseyî hate ziyaretkrin.
Şandeya DBP’ê û DEM Partiyê li Silêmaniyê gora Celal Talabanî ziyaret kirin.