Akademisyena femînîst Dr. Fairouz Recham, diyar kir ku li Bakurê Efrikayê têkoşîna li dijî mêtîngeriyê bi têkoşîna jinê bi ser ketiye û got: "Her çi şoreşa ku têkoşîn û vîna jinê esas negire bi ser nakeve.
Ji jinên di çalakiyên “Berxwedana TEKEL’ê” de cih girtin Hulya Ardûç û Sevîm Yolerî, têkoşîna di wan rojan de dayîn vegotin û bang li jinan kirin ku beşdarî çalakiyên 8’ê Adarê bibin.
Platforma Jinay a Dîcle Amedê, der barê 8’ê Adarê de şahiyek li dar xist. Di şahiyê de şanoya bi navê ‘Jiyan’ hat lîstin.
Meclîsa Jinê ya HDP’ê, encamnameya yekemîn civîna derbarê serdema nû de pêk anî aşkere kir. Jinan di encamnameyê de, diyar kirin ku ew ê bi şîara “Em di azadiyê de bi israrinin, di têkoşînê de bibiryarin” li qadan bin.
Yek ji dildarên Mor Çati Ayşegul Ozadak, derbarê pirsgirên jinan ên di stargehan dijîn de axivî û got: “Jin di stargehan de mîna ku sûç kiribin tên cezakirin. Ji ber pirsgirêkên di stargehan de tên jiyîn, jin ditirsin ku serlêdan bikin.”
Li navçeya Pulurê Aysel Gîdrîk, ji xwe re tezîxaneyek biçûk vekiriye û şelwar, çente hwd. didirû û pê debara xwe dike. Her çend Gîdrîk jî nesîbê xwe ji krîza aborî girtiye, lê dîsa jî dibêje ew ê dev ji hilberînê bernede.
Nûran Ozkan, diyar kir ku ji bo pirsgirkên jinan hel bikin Platforma Jina ya Bornovayê ava kirine û got: "Werim em bi hev re li hemberî krîz, betalî, taciz, tecawiz û komkujiyan têkoşînê bilind bikin. Ne tirsê kêfxweşiyê, ne fikaran hêviyê parve bikin."
Havva Zor, li dijî tundiya hevjînê xwe Mîkaîl Zor û tacîza li dijî keça xwe, xwe parastibû û Mikaîl kuştibû. Zor, got: "Heger ez bimirama wê bigotana 'me heyfa namûsa xwe stend'. Min kesê çav berdabû namûsa min kuşt." Zor, bal kişand ser zarokatiya xwe û anî ziman ku hêj zarok bûn bavê wan terka wan kir û zewicî. Zor ji bo 8'ê Adarê jî xwest jin mil bidin milê hev.
Jinan di çarçoveya pîrozbahiyên 8’ê Adarê de li gelek navendan çalakî û şahî li dar xistin.
Yek ji bajarên ku bûye rawestgeha penaberan, bajarê Wanê ye. Penaberên ku ji Afganîstan, Pakîstan û Îranê tên Tirkiye û derbasî Ewropa dibin ewil berê xwe didin wanê û li vir bi cih dibin. Endama Komîsyona Penaberan a Baroya Wanê Prz. Jiyan Ozkaplan, diyar kir ku ev penaberên ji şer û tundiyê direvin, di rêde rastî tundiyê tên û wiha got: "Herî zêde jin rastî tundiyê tên. Li welatê xwe davêjin stara wan jî rastî tundiya fîzîkî û derûnî tên."
Li Dersimê, çawişên pispor ku li ber wargehên xwendekarên jin cirîdan davêjin, tacîz û tecawizê xwendekaran dikin û ji bo her xwendekara ku pê re hevdîtin dikin jî dibêjin, 'Me kurdeke din jî kuşt'.
Di çarçoveya çalakiyên 8'ê Adarê de li gelek navendan çalakî û şahî hatin lidarxistin. Parlamenter Feleknas Ûca di şahiya li Erdîşê de axivî û got: "Ji bo jiyanek azad û rakirina tecrîtê divê em di 8'ê Adarê de li qadan bên gel hev."
Jinên ku ji bo debara xwe û malbata xwe bikin hem li nav erdan, hem jî li fabrîkeyan dixebitin, mafê wan ê sîgorte, ewlehiya karî û teqawidbûyînê tê binpêkirin. Jinan ku got "jiyana me perçe perçe bûye", bal kişandin ser girîngiya têkoşîna rêxistinbûyî.
Heyran Xanima Dûnbelî ku dengê wê li asîmanên welêt olan dide, dengê sedsaleke ku bi hawar, lorîn û çarînên bi êş ên jinekê re dibe yek, xwe di wechê her jinekê de ji nû ve diwelidîne. Heyran Xanim, keça Kerîm Xan Kongerloy ye. Ew yek ji helbestvana bi nav û deng ya qerna 18 û destpêka qerna 19’an e.
Hevseroka KCD'ê Leyla Guven bi wesîleya 8'ê Adarê roja Jinan a Cîhanê jinên Çelê ziyaret kir. Guven, bal kişand ser rewşa şerê ku Tirkiye di navde ye û wiha got: "Em jin dikarin vî şerî rawestînin. Hêzame jinan a vî şerî rawestîne heye. Divê ji bo şer bi dawî bibe, berî her tiştî tecrîd bi dawî bibe."