Endama Tevna Paristina Jinê Bûse Uçer, diyar kir ku biryara pêvek a HSK’ê derbarê Qanûna Hejmara 6284’an de girtiye, tê wateya “Zilamên ku tundiyê dikin bila vekirin malên xwe” û got: “Jin li dijî vê derdikevin. Ji ber vê me li dijî tundiya zêde dibe tevna piştevaniyê honand.”
Endama Platforma Jinê ya Şahmaranê Gulîzar Îpek, destnîşan kir ku di serdema şewba coronayê de şideta mêrî zêdetir bûye û got: "Demildest divê ji nû ve li ser polîtîkayên der barê pandemiyê de bê sekinandin û li gor wekheviya zayendî bên çêkirin."
Berpirsiyara Navenda Piştevaniya Jinan a Berfîn a Şaredariya Sêrtê Sohbet Altan Çetîn, diyar kir ku ku piştî şewba vîrûsê belav bû û ketina mal a mirovan tundiya li ser jinan zede bûye. Altan Çetîn, diyar kir ku jin li Sêrtê ne bi tenê ne û di vê pêvajoyê de li cem jinan in.
Malên starbûnê yên girêdayî Şaredariya Bajarê Mezin a Amedê, bi hinceta vîrûsa coronayê û kêmbûna xebatkaran serlêdan dan sekinandin.
Parlamentera HDP'ê ya Edeneyê Tulay Hatımogullari, ji ber ku di van rojên şewba vîrusê zêde dibe û banga "Ji malên xwe dernekevin" tê kirin tundiya mêr a li ser jinê zêde bûye, pirsname da meclîsê û xwest Wezîra Xizmetên civakî, Malbat û Xebatê bibersivîne.
Jinên kedkar ên li malê ku ji ber koronayê nikarin bixebitin diyar kirin ku zehmetiyên debara jiyana xwe dikişînin û xwestin însanên debara wan nabe werin parastin.
Li navçeya Rêya Armûşê, jina 23 salî Hacer Metîn bi awayekê bi guman mirî hat dîtin.
Platforma Emê Cînayetên Jinan Rawestînin, rapora xwe ya meha Adarê aşkere kir û da zanîn 29 jin hatin qetilkirin. Platformê, diyar kir ku piraniya kuştinên jinan di dema banga "Di malê de bimîne" ya ji ber vîrûsê hat kirin de, pêk hatin.
Meclîsên Jinan, li dijî talûkeya tundiya li malê "Rehbera Xweparastina ji Tundiyê ya ji bo jinan ên di dema korona de" amade kirin.
Platforma Yekîtiya Jinén Kurd, ji ber vîrûsa corona li her derê belav bûye, li ser rêya medya civakî bi nivîskî daxuyanî dan û bang li Gelê Kurdistanê kir ku her kes xwe biparêzin û ji malên xwe dernekevin.
Parazvana mafê jinan Zozan Ozgokçe, bertek nîşanî pêşnûmeya înfazê ya desthilatdariyê da û got: “Ev pêşnûçe mîna vîrsê tirsnake.” Aktivîsta TJA’yê Gule Komî jî, pirsa gelo wê jin çawan bên parastin kir.
2 car cezayê muebeta giran li Goksel Saglam ê ji Girtîgeha Servekirî ya Çîglî bi destûrê derketibû û hevjîna xwe Habîbe Çevîk û xwişka wê Fatma Akta kuştin, hat birîn.
Endama Komîsyona Hiqûqê ya HDP'ê Parêzer Mehtap Sert, bal kişand ser şideta ku dibe ji ber vîrusa coronayê zêde bibe û di vê rewşê de rê û rêbazin ku divê jin li gor wê tev bigerin.
Endama Piştevaniya Morê Denîz Ûslû, diyar kir ku ji ber vîrusa coronayê dimaldemayîn dibe ku ji bo jin û zarokan bibe sedema şidet û îstismarê û got, divê xetên îxbarkirinê bên çalakirin.
Seroka Komeleya Jina ya Rosayê Adalet Kaya, bal kişand ser jinên ku ji ber şewba coronayê di mal de ne û şideta muhtemel ya ku dê pê re rû bi rû bimînin. Kaya, bang li Wezareta Xizmetên Malbat, Xebat û Civakiyê û xwest giştînameyên cuda bên parvekirin.