"Seraya Bêasteng" ku di bin banê Şaredariya Rêya Armûşê de hat vekirin û 12 welatiyên astengdar lê dixebitin, berên wê yên ewil gihan. Astengdarên li serayê dixebitin, gotin: "Piştî berên me gihan, hêviya me ya ji bo jiyanê zêdetir bû."
Mirovên bi meaşê kêmtirîn dixebitin êdî nikarin debara xwe bikin. Welatiyê bi navê Alî Akbaş, got: "Hikûmet wekî her tişt baş be tev digere" û Rûkiye Buyuk jî got: "Her ji wan tê li pişta me didin."
Hilberîna pîşesaziyê li gorî meha tîrmehê ya sala borî ji sedî 1.2 kêm bûye û li gorî mehek berê jî ji sedî 4 zêde bûye.
Li gundên çiyayî yên Pasûrê amadekariyên zivistanê dest pê kirin. Gundî, ji bo zivistanê dims, şûşe, toraq hwd. amade dikin.
Li navçeya dîrokî Pasûrê, nanê binê êgir hem bi çêja xwe hem jî taybetmendiya xwe ya têrkeriyî balê dikişîne.
Walî Mûstafa Yaman ku Wezareta Karên Navxweyî cara dudoyan wî kir qeyûmê Şaredariya Bajarê Mezin a Mêrdînê, 187 karker ji kar avêtin. Rêvebirê Sendîkaya Genel Îş'ê Mehmet Salîh Dogrûl, got bi zext û zoriyan û bi gefxwarinê ji karkeran dixwazin sendîkaya xwe biguherînin.
Welatiyên li Stenbolê bilêv kirin ku ji ber polîtîkayên çewt ên îktîdarê, ew bi enflasyoneke zêde re rû bi rû mane û gotin: "Em di halekî perşîna de ne. Ên dixwazin krîza aborî bibînin bila werin bazarê."
Her meh Gaza xwezayî, ceryan û komir zem dibe. Ji niha ve gel ketiye etra van zeman. Li Wanê welatiyan, bertek nîşanî polîtîkayên îktîdarê dan û gotin: "Bi zor û heft bela em zikê xwe têr dikin. Em ê çawa van fatûreyn bidin?"
Li Sêrtê dema çinîna fistiqan dest pê kir. Jinên fistiqan berhev dikin diyar kirin ku 75 lîre yewmiye didin jinan 120 lîre yewmiye jî didin jinan û gotin: “Em ji zilaman zêdetir kar dikin, lê heman heqî nadin me. Ev neheqî nebe lê çi ye?”
Seroka Giştî ya DÎSK’ê Arzu Çerkezoglu, di mîtînga bi armanca mafê EYT’iyan xwestin a li Qada Tandogan hat lidarxistin de axivî, ev tişt gotin: “Em mafê xwe dixwazin, ji kesekê sedeqe naxwazin. Heya ku ev pirsgirêk neyê çareser kirin emê têkoşîna xwe dewam bikin.”
Polîsan bi hinceta pankarta “Dest nede vîna min” berî du rojan bi ser Şaxên Egîtim Sen û SES ên Amedê girtibûn. Şaxên Egîtim Sen û SES’ê, diyar kirin ku xesp kirina vîna gel, bûye polîtîkayeke bingehîn a welat û gotin: “Em feraseta ku vînê tune dihesibîne qebûl nakin.”
Li Colemêrgê, gundiyan gihayê ku havînê ji bo heywanên xwe dirûtin, bi hatina payîzê re dikişînin gund. Berê gundiyan gihayê ku didirûtin zivistanê bi taxûkan dikişand, lê belê niha bi wesayîtan dikişînin.
Nûnerê DÎSK'ê yê Amedê Mehmet Şîrîn Gurbuz, bal kişand ser pêkanînên mobbîngî û derbarê mekanîzmayên ku kesên bi mobbîngê re rû bi rû dimînin û divê serî li wan bidin agahî parve kirin. Gurbuz, bilêv kir ku kesên dibêjin ew bi mobbîngê re rû bi rû dimînin divê heta dawiyê mafên xwe biparêzin.
Serokê Odeya Endezyarên Çandiniyê ya Amedê Abdûssamed Ûcaman, bilêv kir ku di 5 salên dawî de ji ber dermankirineke şaş, zirareke mezin gihaştiye pembû û populasyona kêzikan zêde bûye. Ûcaman, anî ziman ku kurmê kesk ji sedî 30 bereketa pembû kêm dike û xwest li dijî kêzik û kurman têkoşina biyolojîk pêş bixin.
Aborîzan Prof. Dr. Ahmet Şahînoz, diyar kir ku pîşesazî li Tirkiye biçûk dibe, ji ber zema li ser hev zêde dibe xizaniyê zêde dike û wiha got: "Çavkaniyên ku aboriya hundir û derve têxe nava tevgerê zuha bûne."