
CHP'iyan bertek nîşanî qeyûman da: Darbeya li vîna gel nayê qebûlkirin

2019-08-19 12:17:53


	STENBOL - CHP'iyan bertek nîşanî tayînkirina qeyûman a şaredariyên bajarên mezin ên Amed, Mêrdîn û Wanê da û ev tişt gotin: "Darbeya li dijî vîna gel tê kirin bi tu awayî nayê qebûlkirin."

	&nbsp;

	Hevşaredarên bajarên mezin ên Amed, Mêrdîn û Wanê ji aliyê Wezareta Karên Hundir ve ji peywirê hatin girtin û qeyûm tayînî şûna wan hatin kirin. Gelek CHP'iyan li ser hesabên xwe yên medya civakî bertek nîşanî tayînkirina qeyûman da û tiştên pêk hatine jî weke "Darbeya li dijî vîna gel' nirxand û şîrovakirin.&nbsp;

	&nbsp;

	Serokwekîlê Koma CHP'ê Ozgur Ozel diyar kir ku AKP'ê careke din li şûna demokrasiyê faşîzmê hilbijartiye û li ser hesabê xwe yê medya civakî ev şîrove kir: "Jipeywirgirtina şaredarên ku piraniya gel wan tercîh kiriye, nîqaşkirina hebûna desthilatê ye. Heke kesên ku bi hilbijartinê hatine û hilbijartinê neçin, kesên desthilatê bi destxistine darbekar û faşîst in."&nbsp;

	&nbsp;

	ÎMAMOGLÛ: NAYÊ QEBÛLKIRIN&nbsp;

	&nbsp;

	Şaredarê Stenbolê Ekrem Îmamoglû jî bertek nîşanî tayînkirina qeyûman da û li ser hesabê xwe yê twiterê ev daxuyanî da: "Jipeywirgirtin û tayînkirina qeyûman a şûna şarêderên Amed, Mêrdîn û Wanê ku di Hilbijartina Herêmî ya 31'ê Adarê de bi dengên gel hatin hilbijartin, nikare bi demokrasî û tevgerên demokratîk bê îzahkirin. Tunehesibandina vîna gel nayê qebûlkirin."

	&nbsp;

	TANRIKÛLÛ: DARBEYA LI DIJÎ TERCÎHA SÎYASÎ YA GEL E

	&nbsp;

	Parlamenterê CHP'ê yê Stenbolê Sezgîn Tanrikûlû li ser hesabê xwe yê &nbsp;twiterê ev tişt gotin: "Darbe tenê bi tanq, top û tifingê pêk nayê. Di meha 4'an de jipeywirgirtin û tayînkirina qeyûm a serokên şaredariyên Amed, Mêrdîn û Wanê li dijî hiqûqê ye, darbeya li dijî tercîha siyasî ya gel e."

	&nbsp;

	Seroka CHP'ê ya Stenbolê Canan Kaftancioglû jî ev daxuyanî da: "Hin kesan gotibû demokrasiya pêşketî newsa? Darbeyeke din a li dijî vîna gel. Jipeywirgirtin û tayînkirina qeyûm a serokên şaredariyên Amed, Mêrdîn û Wanê ku bi dengê gel hatibûn hilbijartin, li dijî hiqûqê ye, darbeya li dijî tercîha siyasî ya gel e."

	&nbsp;

	'ŞERM E HEYF E GUNEH E'

	&nbsp;

	Parlamenterê CHP'ê Ozgur Karabat jî li ser hesabê xwe yê medya civakî ev tişt anî ziman: "Jipeywirgirtina serokên şaredariyên Amed, Mêrdîn û Wanê nayê qebûl kirin. Şerm e.. Heyf e.. Guneh e..xayintiya li dijî welat e. Dema ku gel deng dide we dibe vîn??"

	&nbsp;

	'HÛN NIKARIN VÎNA GEL TESLÎM BIGIRIN'

	&nbsp;

	Serokê Giştî yê Partiya Piştevanî û Azadiyê (ODP) Alper Taş jî li ser hesabê xwe ev parvekirin weşand: "Li gel hemû tundiyan jî gel di 31'ê Adarê de pergala we ya qeyûm têk bir. Hûn bi jipeywirgirtina şaredarên Amed, Mêrdîn û Wanê nikarin vîna teslîm bigirin. Pergala qeyûm pergala tûndî û diziyê ye. Qesir îstifa gotin, raye, biryar, desthiat ji gel re!"

	&nbsp;

	'LI CIHÊ KU HIQÛQ TUNEBE DEMOKRASÎ TUNEYE'

	&nbsp;

	Alîkarê Serokê Giştî yê CHP'ê Velî Agbaba jî vê daxuyaniyê da: "Jipeywigirtina şaredarên ku beriya 4 mehan namzetiya wan hat qebûlkirin û bi dengê gel hatin bilbijartin, bi awayekî vekirî darbe ye. Li cihê ku ewlehiya hiqûqê tunebe, demokrasî jî tuneye. Berê darbe bi çekan dihat kirin, darbekarên niha bi destê YSK û Wezareta Karên Hundir darbe pêk tînin. Darbeya demokrasiyê ya bi destê Wezareta Karên Hudnir a li dijî şaredariyên Amed, Mêrdîn û Wanê faşîzm bixwe ye. Jipeywirgirtina şaredarên ku hatine hilbijartinê rêbaza dewletên çadir e. Darbeya li dijî vîna gel hatiye kirin bi tu awayî nayê qebûlkirin."

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;