
Di doza Elçî de ji bersûcan hat pirsîn: Hûn dixwazin beşdarî danişînê bibin?  

2020-10-21 12:58:39


	&nbsp;

	AMED – Di danişîna doza Tahîr Elçî de parêzeran daxwaz kir ku bersûc beşdarî danişînê bibin. Li ser vê yekê şandeya dadgehê ji bersûcan pirsa dixwazin beşdarî danişînê bibin an nabin kir.&nbsp;

	&nbsp;

	Danişîna ewil a doza derbarê Serokê Baroya Amedê Tahîr Elçî yê di 28’ê Mijdara 2015’an de li bin Minareya Çar Ling a Sûra Amedê de hatibû qetilkirin tê lidarxistin. Di danişîna 3 polîs 4 bersûc tên darizandin û danişîn li Dadgeha Cezayê Giran a 10’emîn Amedê didome.&nbsp;

	&nbsp;

	Polîsên bersûc S.T., F.T. û polîs M.B. yê hatiye îxrackirin û parêzerên xwe bi rêya pergala deng û dîmen (SEGBÎS) beşdarî danişînê bûn. Hevjîna Elçî, Turkan Elçî û parêzerên Elçî di danişînê de amade bûn.&nbsp;

	&nbsp;

	Di danişînê de hat zanîn ku bersûcê firarî Ûgûr Yakişir ê tê gotin “endamê rêxistinê ye” derbarê wî de biryara girtinê heye.&nbsp;

	&nbsp;

	Parêzerên Elçî xwestin bersûc beşdarî danişînê bibin. Serokê dadgehê got ew ê piştî parastina bersûcan daxwaza parêzeran binirxînin. Parêzer Fîkret Îlkîz diyar kir ku ji bo darizandina çeperast dikaribin bikin û li gorî pêwîstiya ûsûlê divê ewil derbarê bersûcan de biryara beşdariya danişînê were dayîn.&nbsp;

	&nbsp;

	Parêzerên malbata Elçî daxwaz kirin ji bo darizandin bi çalak were kirin wesfê sûc, girîngiya dozê, têkoşîna bi bêcezakirinê re dîroka danişînek were diyarkirin ku bersûc beşdar bibin.&nbsp;

	&nbsp;

	Serokê dadgehê bi rêya SEGBÎS’ê ji bersûcan pirsa dixwazin beşdarî danişînê bibin an nabin kir. Bersûcan got ew dixwazin li bajarên lê dimînin bi SEGBÎS’ê beşdarî danişînê bibin.&nbsp;

	&nbsp;

	Şandeya dadgehê daxwaza parêzeran a ku bersûc beşdarî danişînê red kir.&nbsp;

	&nbsp;